គិត​ក្នុង​ឆ្នាំ​២០១៨​ នេះ ទស្សនាវដ្ដី Forbes បាន​ប្រកាស​ថា​លោក Jeff Bezos គឺជា​មហាសេដ្ឋី​លេខ​១​លំដាប់​ពិភពលោក ដែល​មាន​ទ្រព្យសម្បត្តិ​ចំនួន ​១៣០​ពាន់​លាន​ដុល្លារ។ គាត់​គឺជា​ម្ចាស់​ក្រុមហ៊ុន Amazon ដែល​ជា​ក្រុមហ៊ុន​លក់​សៀវភៅ​តាម​អនឡាញ​ដ៏​ធំ​ជាង​គេ​បង្អស់ និង​ក្រុមហ៊ុន Blue Origin ដែល​ជា​ឧស្សាហកម្ម​ផលិត​ឧទ្ធម្ភាគចក្រ​និង​សេវាកម្ម​ហោះហើរ។ ខាងក្រោម​នេះ​គឺជា​ដំបូន្មាន​ចំនួន​៣​ពី​លោក Jeff Bezos ក្នុង​នាម​ជា​សហគ្រិន​ដ៏​ឆ្នើម​មួយ​រូប៖

១) រឹងរូស​តែ​បត់បែន៖ នាយក​ប្រតិបត្តិ​ក្រុមហ៊ុន​របស់ Amazon រូប​នេះ បាន​លើកឡើង​ថា៖ "បើ​សិន​ជា​អ្នក​មិន​មាន​ភាព​ចចេស​រឹងរូស​ទេ នោះ​អ្នក​ប្រាកដ​ជា​បោះបង់​ចោល​ការ​ពិសោធន៍​យ៉ាង​ឆាប់​រហ័ស​មិនខាន។ ផ្ទុយទៅវិញ បើ​សិន​ជា​អ្នក​មិន​ចេះ​បត់បែន​ទេ អ្នក​ប្រាកដ​ជា​ទង្គិច​ក្បាល​របស់​ខ្លួនឯង​ជាមួយ​នឹង​ជញ្ជាំង ហើយ​អ្នក​នឹង​មិន​អាច​សម្លឹង​ឃើញ​ដំណោះស្រាយ​ផ្សេង​ទៀត​សម្រាប់​បញ្ហា​ដែល​អ្នក​កំពុង​តែ​ព្យាយាម​រក​ដំណោះស្រាយ​នោះ​ឡើយ"។

សូមអាន៖ ​​គតិ​មាស​ទាំង​៦​ឃ្លា​​ពី​លោក​ ​ជេហ្វ​ បេហ្សូស​ (Jeff Bezos)​​ ​​​អ្នក​មាន​ផុត​​លេខ​​លើ​លោក​​​

២) ចក្ខុវិស័យ​ច្បាស់លាស់៖ ចក្ខុវិស័យ​វែងឆ្ងាយ​ដែល​មាន​លក្ខណៈ​ប្រាកដប្រជា​មួយ​របស់​ក្រុមហ៊ុន ពិត​ជា​មាន​ភាព​សំខាន់​ណាស់​នៅ​ក្នុង​រឿង​នេះ។ បើ​អ្នក​មាន​គំហើញ​ច្បាស់លាស់​មួយ​សម្រាប់​ក្រុមហ៊ុន​របស់​អ្នក នោះ​អ្នក​នឹង​អាច​សម្រេច​ចិត្ត​ប្រកប​ដោយ​ភាព​ឈ្លាសវៃ​បាន​ថា​ការ​សម្រេច​ចិត្ត​ណាមួយ​នោះ​នឹង​មាន​ផល​ប៉ះពាល់​ដល់​អនាគត​ក្នុង​រយៈពេល​វែង​យ៉ាង​ដូចម្ដេច។ គាត់​ក៏​បាន​និយាយ​ដែរ​ថា៖ "មាន​ពេល​ខ្លះ​ពួក​យើង​ធ្វើការ​វាស់​ស្ទង់ ហើយ​មើល​ឃើញ​ថា​ក្នុង​រយៈពេល​ខ្លី​វា​អាច​ប៉ះពាល់​ដល់​ការ​លក់​នៅ​ក្នុង​រយៈពេល​វែង​បាន។ ប៉ុន្តែ ទោះជាយ៉ាងណាក៏ដោយ​ពួក​យើង​នៅ​តែ​ធ្វើ​វា ព្រោះ​ពួក​យើង​ជឿ​ថា​ខ្នាត​សម្រាប់​វាស់​ប្រយោជន៍​ក្នុង​រយៈពេល​ខ្លី ពុំ​មែន​ជា​សូចនាករ​សម្រាប់​ចង្អុល​បង្ហាញ​ពី​ប្រយោជន៍​ក្នុង​រយៈពេល​វែង​នោះ​ឡើយ"។

៣) ជក់ចិត្ត​ចំពោះ​អតិថិជន៖ នៅ​ពេល​អ្នក​ជក់ចិត្ត​ចំពោះ​អតិថិជន​របស់​អ្នក នោះ​អ្នក​នឹង​ខិតខំ​ធ្វើ​យ៉ាងណា​ដើម្បី​ឲ្យ​ពួកគេ​ទទួល​បាន​បទពិសោធន៍​ល្អៗ​ពី​ការ​ប្រើប្រាស់​ផលិតផល​ឬ​សេវាកម្ម​របស់​អ្នក។ ប៉ុន្តែ បើ​សិន​ជា​អ្នក​ផ្ដោត​ខ្លាំង​ទៅលើ​អតិថិជន នោះ​វា​អាច​នឹង​បណ្ដាល​ឲ្យ​មាន​ការ​ប្រកួតប្រជែង​គ្នា ដែល​អាច​ធ្វើឲ្យ​អ្នក​បាត់បង់​លំនឹង​ហើយ​ធ្វើឲ្យ​គុណភាព​ផលិតផល​ឬ​សេវាកម្ម​របស់​អ្នក​ចុះ​ថយ​បាន រួម​ទាំង​បាត់បង់​ការ​យកចិត្តទុកដាក់​ទៅលើ​បុគ្គលិក​ធ្វើការ​របស់​អ្នក​ផង​ដែរ។ ត្រង់​ចំណុច​នេះ​ហើយ​ដែល​បាន​ធ្វើឲ្យ Amazon អាច​ទាក់ទាញ​អតិថិជន​ដ៏​ច្រើន​បាន​និង​ក្លាយ​ជា​ក្រុមហ៊ុន​លំដាប់​គេ​នៅ​ក្នុង​លោក៕

ដោយ៖ ស្រីពៅ អត្ថបទទាក់ទង៖ មេរៀន​ដ៏មានតម្លៃអំពី​សហគ្រិនភាព​៣​យ៉ាង​ពី​ស្ថាបនិក​ក្រុមហ៊ុន​Amazon​ លោក​Jeff Bezos