អត្ថប្រយោជន៍ ៤យ៉ាងទទួលបានពីការ ធាក់កង់
ការមិនសូវបញ្ចេញសកម្មភាពអ្វីសោះអាចធ្វើឲ្យសុខភាពផ្លូវកាយរបស់អ្នកទន់ខ្សោយជាងមុន ហើយក៏អាចប៉ះពាល់ដល់ផ្លូវអារម្មណ៍ឲ្យតានតឹងនិងស្ត្រេសបានដែរ។ ការធាក់កង់គឺជាលំហាត់ប្រាណមួយប្រភេទនៅក្នុងចំណោមលំហាត់ប្រាណដទៃច្រើនទៀត ដែលមានអត្ថប្រយោជន៍ចំពោះសុខភាពរបស់អ្នក។ តើអ្នកនឹងទទួលបានអត្ថប្រយោជន៍អ្វីខ្លះពីការធាក់កង់ ?
១) ការធាក់កង់ជាប្រចាំនឹងអាចកាត់បន្ថយហានិភ័យពីជំងឺគាំងបេះដូងបាន៥០%។ ម្យ៉ាងទៀត ការមិនសូវធ្វើសកម្មភាពអ្វីសោះ អាចធ្វើឲ្យសាច់ដុំទន់ខ្សោយជាងមុនបាន។ ហេតុនេះ ដោយការបញ្ចេញសកម្មភាពតាមរយៈការធាក់កង់ វាក៏អាចជួយពង្រឹងសាច់ដុំរបស់អ្នកឲ្យរឹងមាំបានដែរ។
២) បើអ្នកមានបញ្ហាឈឺចុកចាប់ខ្នងផ្នែកខាងក្រោមរបស់អ្នក ការធាក់កង់ក៏អាចជួយឲ្យអ្នកធូរស្បើយពីអាការនេះបានដែរ ពីព្រោះតែចលនារបស់ជើងនៅពេលធាក់កង់បានរំញោចដល់សាច់ដុំខ្នងខាងក្រោមបាន។
៣) ការធាក់កង់ក៏ជាសកម្មភាពលំហាត់ប្រាណមួយប្រភេទដែលអាចជួយឲ្យអារម្មណ៍របស់អ្នកស្រស់ស្រាយជាងមុន និងអាចធ្វើឲ្យអ្នកគេងលក់ស្រួលនៅពេលយប់ផងដែរ។
៤) នៅពេលជើងអ្នកធ្វើចលនាធាក់កង់ ថាមពលនឹងត្រូវបានបញ្ជូនទៅឲ្យឆ្អឹងខ្ចីរបស់អ្នក ដែលអាចកាត់បន្ថយការឈឺសន្លាក់បាន៕ បានអានហើយឫនៅ ? គន្លឹះសំខាន់ៗ ៩យ៉ាង ដែលនាំឲ្យជីវិតរបស់អ្នកមានភាពរីករាយ ស្រស់ថ្លា
ដោយ៖ ស្រីពៅ
