មិនថាអ្នកធ្វើការជំនាញអ្វីនោះទេ ជំនាញមួយនេះគឺជាជំនាញដែលមនុស្សគ្រប់គ្នាខ្វះមិនបាន
នាសម័យនេះហើយ សញ្ញាប័ត្រនិងបទពិសោធន៍ការងារគឺមិនគ្រប់គ្រាន់នោះទេ។ ប្រសិនអ្នកចង់ជោគជ័យនិងដើរទៅមុខលឿននៅក្នុងជីវិត អ្នកដាច់ខាតត្រូវតែមានជំនាញមួយនេះ។
នេះបើតាមគេហទំព័រវេទិកាសេដ្ឋកិច្ចពិភពលោក(World Economic Forum) ជំនាញដែលមនុស្សគ្រប់រូបអត់ពុំបានគឺ«សមត្ថភាពក្នុងការរៀន ដែលភាសាអង់គ្លេសហៅថា«Learnability»។ សមត្ថភាពក្នុងការរៀនឬ Learnability គឺជាអ្វីឲ្យប្រាកដទៅ?
វាគឺសមត្ថភាពដែលអ្នកអាចរៀនអ្វីមួយថ្មីឬជំនាញអ្វីថ្មីបានឆាប់រហ័សនិងបន្សាំខ្លួនបានឆាប់រហ័ស។ ដើម្បីជោគជ័យក្នុងវិស័យការងារ អ្នកមិនត្រូវឈប់រៀនឡើយ ឆ្ងល់ឲ្យបានច្រើន រៀនឲ្យបានច្រើន និងបន្តរៀនរហូតតែម្ដង។ ជាការពិតមិនអាចប្រកែកបាននោះទេ នៅកន្លែងការងារ អ្នករមែងជួបនូវឧបសគ្គនិងអ្វីដែលត្រូវរៀនសូត្រ។
សមត្ថភាពក្នុងការរៀនគឺជាអ្វីដែលអ្នកដឹកនាំគ្រប់រូបចង់បានពីបុគ្គលិក។ ដូច្នេះហើយ អ្នកត្រូវចេះបត់បែនគ្រប់កាលៈទេសៈនិងរៀនសូត្រតាមឲ្យទាន់សម័យកាលទើបអ្នកជោគជ័យក្នុងជីវិតបាន៕
ដោយ៖ អឹុង មុយយូ
