តើអាហារអ្វីខ្លះដែលអ្នកគួររក្សាទុកក្រៅទូទឹកកក បើមិនចង់ឱ្យមានបញ្ហាដល់សុខភាព?
សម្រាប់អ្នកដែលមានទូទឹកកកប្រើប្រាស់ អ្នកប្រាកដជាចេះតែចង់រក្សាទុករបស់របរទទួលទានរបស់អ្នកទាំងអស់ចូលក្នុងទូទឹកកកសម្រាប់រក្សាទុក។ ប៉ុន្តែមានអាហារមួយចំនួនដូចមានបង្ហាញខាងក្រោម គឺជាអាហារដែលអ្នកមិនគួររក្សាវាទុកក្នុងទូទឹកកកនោះឡើយ។
១) ដំឡូង៖ សីតុណ្ហភាពប្រហែល៧អង្សាមានភាពល្អសម្រាប់ដំឡូង។ ប៉ុន្តែដូចជានៅក្នុងទូទឹកកក ភាគច្រើនត្រូវបានដាក់ឲ្យនៅចន្លោះសីតុណ្ហភាពពី១អង្សាទៅ៣អង្សា។ នៅកន្លែងត្រជាក់បែបនេះ សារធាតុកាបូអ៊ីដ្រាតដែលមាននៅក្នុងដំឡូងនឹងបម្លែងទៅជាស្ករ ហើយដំឡូងរបស់អ្នកអាចប្ដូររសជាតិប្រែជាផ្អែមជាងមុនបន្តិចបាន។ មូលហេតុនេះហើយអ្នកគួរតែរក្សាទុកដំឡូងនៅក្រៅពីទូទឹកកកក៏ជាការប្រសើរដែរ។
២) ទឹកជ្រលក់ហិលដប៖ ទឹកជ្រលក់ហិលដបដែលអ្នកទិញមកពីផ្សារ មានសារធាតុផ្សំដែលជាទឹកខ្មេះនិងសារធាតុរក្សាគុណភាពមួយចំនួនសម្រាប់រក្សារសជាតិរបស់វា។ នៅពេលដាក់នៅក្នុងទូទឹកកក ម្ទេសហិលដែលត្រូវបានគេប្រើប្រាស់ជាធាតុផ្សំរបស់ទឹកជ្រលក់ អាចនឹងបាត់បង់កម្ដៅឬភាពហិលរបស់វាបាន។
៣) រក្សាទុកស៊ុតដែលនៅទាំងសម្បកនៅកន្លែងកករបស់ទូទឹកកក៖ នៅពេលអ្នកដាក់ឲ្យស៊ុតដែលនៅទាំងសម្បកនៅតំបន់កករបស់ទូទឹកកក ជាតិទឹកដែលមាននៅក្នុងស៊ុតអាចរីកមាឌហើយធ្វើឲ្យសម្បករបស់ស៊ុតប្រេះបែក ដែលអាចធ្វើឲ្យបាក់តេរីងាយនឹងចម្លងចូលបាន។
៤) សាច់ដែលអ្នកបានក្លាសេវាឲ្យកករួចម្ដងមកហើយ៖ នេះក៏ដោយសារតែសាច់ដែលបានក្លាសេឲ្យកករួចម្ដងហើយនោះ នៅពេលត្រូវបានយកចេញមកខាងក្រៅ វាងាយនឹងចម្លងបាក់តេរីជាងសាច់ដែលមិនទាន់បានក្លាសេរួចមកទៅទៀត។ ហេតុនេះអ្នកគួរតែចម្អិនវាជាអាហារឲ្យឆ្អិនអស់ហើយ រួចសឹមយកចំណែកដែលនៅសល់របស់អាហារនោះមករក្សាទុកនៅក្នុងទូទឹកកកបន្តទៀត៕
ប្រភព៖ rd.com ប្រែសម្រួល៖ ស្រីពៅ
