វិធីសាស្ត្រ ៣យ៉ាងសម្រាប់ដោះស្រាយបញ្ហាស្រវាំងភ្នែក ពេលសម្លឹងអេក្រង់កុំព្យូទ័រយូរ
នៅពេលអ្នកសម្លឹងមើលអេក្រង់កុំព្យូទ័រយូរ នោះអ្នកនឹងទទួលអារម្មណ៍ថាភ្នែករបស់អ្នកឡើងស្រវាំងនិងថែមទាំងអាចចុករោយរកាំភ្នែកទៀតផង។ ប៉ុន្តែជាមួយវិធីសាស្ត្រចំនួន៣ខាងក្រោម អ្នកអាចដោះស្រាយបញ្ហានេះបាន៖
១) តម្រង់ខ្លួន៖ ផ្នែកខាងលើគេនៃអេក្រង់កុំព្យូទ័ររបស់អ្នកគួរតែដាក់ឲ្យស្មើនឹងភ្នែករបស់អ្នក រីឯអេក្រង់គួរតែដាក់ចម្ងាយប្រមាណ៦១សង់ទីម៉ែត្រទៅកាន់អ្នក។ តាមរបៀបនេះ អ្នកនឹងសម្លឹងមើលអេក្រង់រាងចុះក្រោមបន្តិច ដែលអាចកាត់បន្ថយអាការស្រវាំងភ្នែករបស់អ្នកបាន។
២) ផ្លែត្រសក់៖ អ្នកក៏អាចប្រើប្រាស់ផ្លែត្រសក់ដោយគ្រាន់តែជិតវាជាចំណិត ហើយយកមកបិទពីលើត្របកភ្នែក នោះអ្នកនឹងទទួលអារម្មណ៍ថាធូរស្បើយជាងមុនជាមិនខាន។
៣) ទទួលទានបន្លែបៃតងនិងសារធាតុអូមេហ្កា៣៖ បន្លែបៃតងភាគច្រើនសម្បូរដោយសារធាតុប្រឆាំងនឹងអុកស៊ីតកម្មនិងវីតាមីនAដែលអាចជួយកាត់បន្ថយហានិភ័យពីជំងឺភ្នែកឡើងបាយនិងការបាត់បង់សមត្ថភាពក្នុងការមើល។ រីឯសារធាតុអូមេហ្កា៣ដែលសម្បូរជាពិសេសនៅក្នុងត្រីសាលមន ក៏អាចជួយកាត់បន្ថយរោគសញ្ញាហើមរលាកផ្សេងៗនៅក្នុងភ្នែកផងដែរ៕
ប្រភព៖ quickanddirtytips ប្រែសម្រួល៖ ស្រីពៅ
