ហេតុផល ៣យ៉ាងធំៗដែលមនុស្សមិនព្រមអធ្យាស្រ័យឲ្យអ្នកដទៃទាល់តែសោះ
អ្នកដឹងហើយថា ពេលដែលអ្នកខឹងអ្នកដទៃ អ្នកក៏មានកំហឹងនៅក្នុងខ្លួនឯងផងដែរ។ ពេលដែលអ្នកអភ័យទោស ឲ្យអ្នកដទៃ ចិត្តរបស់អ្នកក៏បានស្ងប់ដែរ។ ប៉ុន្តែ ហេតុអ្វីបានជាអ្នកមិនព្រមលើកលែងឲ្យអ្នកដទៃទាល់តែសោះ? ខាងក្រោមនេះហេតុផល ៣យ៉ាងធំៗ៖
១) ពួកគេមិនសក្ដិសម នឹងលើកលែងទោសឲ្យ៖ ពិតប្រាកដណាស់ មនុស្សគ្រប់គ្នាសុទ្ធតែផ្លាស់ប្ដូរក្រោយពេលឈឺចាប់ម្ដងៗ។ ពេលខ្លះ អ្នកមិនលើកលែងទោសឱ្យ ដោយសារតែពួកគាត់ធ្លាប់ធ្វើខុសលើរូបអ្នកជាច្រើនលើកច្រើនសារ ឬអ្នកដឹងច្បាស់ថា ពួកគេអាចធ្វើឲ្យអ្នកឈឺចាប់ម្ដងទៀតបាន។
២) មិនអាចជឿជាក់លើមនុស្សដែលធ្លាប់ធ្វើឲ្យអ្នកឈឺ៖ វាពិតជាលំបាកក្នុងការជឿជាក់ទៅលើមនុស្សដែលធ្លាប់ធ្វើឲ្យអ្នកឈឺចាប់។ ពេលខ្លះ មិនមែនអ្នកមិនចង់លើកលែងនោះទេ ប៉ុន្តែអ្នកមិនមានភាពជឿជាក់លើពួកគេទៀតឡើយ។ ដូច្នេះហើយ អ្នកមិនអភ័យទោសឲ្យអ្នកទៃដើម្បីការពារខ្លួនឯងកុំឲ្យឈឺចាប់ម្ដងទៀត។
៣) អ្នកមានសិទ្ធិខឹង៖ លើកឬមិនលើកលែងគឺជាសិទ្ធិ និងជាការសម្រេចចិត្តរបស់អ្នក។ អ្នកមិនលើកលែងទោសដោយសារតែអ្នកចង់ឲ្យម្នាក់នោះស្គាល់មេរៀននិងមានភាពស្ដាយក្រោយដែលបានធ្វើខុសលើរូបអ្នក។ទាំងនេះគឺជាសិទ្ធិរបស់អ្នក៕
ដោយ៖ អឹុង មុយយូ
