មានកាលៈទេសៈខ្លះ យើងក៏ត្រូវប្រើវិធីកុហកដែរ
មនុស្សគ្រប់គ្នាតែងតែជឿជាក់ថា ភាពស្មោះត្រង់ គឺសំខាន់និងចាំបាច់ជាទីបំផុតដើម្បីរក្សាបាននូវមិត្តភាព និងផលប្រយោជន៍ក្នុងការបំពេញការងារ។ ពិតណាស់ថា មនុស្សមិនគួរនិយាយកុហកឬមានល្បិចកលចំពោះគ្នាទេ។ ប៉ុន្តែភាពស្មោះត្រង់គ្រប់ពេលវេលាក៏មិនល្អផងដែរ។
ពេលខ្លះយើងត្រូវនិយាយកុហកព្រោះការពិតអាចធ្វើឲ្យមនុស្សឈឺចាប់ឬមិនអាចទទួលយកបាន។ ពេលខ្លះ យើងក៏ត្រូវរៀននិយាយកុហកផងដែរព្រោះវាជាភាពបត់បែនរបស់មនុស្ស។ ខាងក្រោមនេះជាអត្ថន័យផ្សព្វផ្សាយនៅលើ english-test.net.com៖
១) ដើម្បីរក្សាទំនាក់ទំនងឲ្យបានគង់វង្ស៖ ពេលខ្លះ មនុស្សត្រូវកុហកដើម្បីការពារនូវផលអវិជ្ជមានដែលអាចកើតឡើង។ ពួកគេកុហកដើម្បីរក្សាទំនាក់ទំនងឬមិត្តភាពឲ្យនៅគង់វង្ស។ ក្នុងជីវិត ស្ថានភាពតឹងតែងមួយចំនួន និយាយកុហកអាចនាំផលវិជ្ជមានជាជាងនិយាយការពិត។
២) កុហកដើម្បីផលប្រយោជន៍ម្នាក់ទៀត៖ ជាការពិតណាស់ មនុស្សគ្រប់គ្នាសុទ្ធតែមិនចង់ឲ្យគេកុហកនោះទេ។ ប៉ុន្តែ អ្វីដែលមនុស្សគ្រប់គ្នាត្រូវមានគឺភាពជឿជាក់ឬអំពើល្អចំពោះគ្នា។ ពេលខ្លះ គេកុហកយើងដោយសារតែចង់ឲ្យយើងល្អ ហើយមិនប៉ះពាល់ដល់ផលប្រយោជន៍អ្នកដទៃ គឺយើងអាចទទួលយកបាន។
៣) មនុស្សណាក៏ធ្លាប់កុហកដែរ៖ សារភាពទៅថាអ្នកក៏ធ្លាប់កុហកយ៉ាងហោចណាស់ម្ដងដែរក្នុងឆាកជីវិតនេះ។ ពេលខ្លះយើងជាមនុស្សស្មោះត្រង់ទេ ប៉ុន្តែស្ថានភាពតម្រូវឲ្យយើងកុហកអ៊ីចឹងតែម្ដង៕
ដោយ៖ អឹុង មុយយូ
