មួយខែៗអស់លុយទូរស័ព្ទច្រើនណាស់មែនទេ? ខាងក្រោមនេះជាមធ្យោបាយអាចជួយសន្សំថវិកា ប្រសិនបើអ្នកមិនទាន់ចេះប្រើ
មួយខែៗគ្រាន់តែលុយបញ្ចូលកាតទូរស័ព្ទមិនដឹងជាអស់ប៉ុន្មានដុល្លា ហើយបើគណនាយ៉ាងតិចសម្រាប់អ្នកប្រើប្រាស់នៅកម្ពុជាយើងក៏អស់ ៤ដុល្លារដែរសម្រាប់អ្នកប្រើ SIM មួយ ហើយសម្រាប់តែការប្រើប្រាស់ក្នុងប្រព័ន្ធប៉ុណ្ណោះ។ ពេលខ្លះ អ្នកចំណាយទៅលើរឿងដែលអ្នកមិនគួរចំណាយ។ ប្រសិនអ្នកធ្វើគន្លឹះខាងក្រោមនេះ អ្នកពិតជាអាចកាត់បន្ថយការចំណាយលុយទូរស័ព្ទជាពុំខាត៖
១) ភ្ជាប់ប្រព័ន្ធឬគម្រោងត្រឹមត្រូវ៖ សម័យនេះហើយ ក្រុមហ៊ុនទូរស័ព្ទនីមួយៗសុទ្ធតែមានគម្រោងច្រើនណាស់ដែលអ្នកអាចជ្រើសរើសបាន ហើយភាគច្រើនសុទ្ធតែជាគម្រោងអាចជួយសន្សំសំចៃថវិកាបានច្រើន។ ប្រសិនអ្នកពុំបានភ្ជាប់ប្រព័ន្ធនោះទេ ក្រុមហ៊ុននឹងកាត់លុយរបស់អ្នកច្រើនណាស់។ គិតជាមធ្យមនៅកម្ពុជាយើងតម្លៃពី ៥ សេន ទៅ ៧ សេន/នាទីសម្រាប់តេក្នុងប្រព័ន្ធ ៨ សេន/នាទី សម្រាប់តេក្រៅប្រព័ន្ធ និងយ៉ាងហោចណាស់ ៣ សេន/នាទីសម្រាប់ការតេចេញទៅក្រៅប្រទេស។ ដូច្នេះច្បាស់ណាស់ថា ប្រសិនបើអ្នកជ្រើសរើសប្រព័ន្ធមិនត្រឹមត្រូវ អ្នកក៏ត្រូវអស់លុយច្រើនដែរ។
២) កុំភ្ជាប់ call tune និងសេវាកម្មផ្សេងៗទៀត៖ ភ្ជាប់ call tune ឬសេវាកម្មផ្សេងៗទៀតក្នុងមួយខែ ក្រុមហ៊ុនកាត់អស់យ៉ាងតិច ៥០សេនក្នុងមួយសេវាកម្ម។ វាជារឿងដែលអ្នកពុំគួរចំណាយទាល់តែសោះ។ ប្រសិនជាពុំចាំបាច់ អ្នកមិនគួរភ្ជាប់call tune នោះទេ។
៣) តេ Online ៖ វិធីម៉្យាងទៀតគឺអ្នកអាចធ្វើការហៅចេញតាម Facebook Whatsapp Skype ដោយឥតគិតថ្លៃហើយសំឡេងក៏ច្បាស់ល្អទៀត។
៤) កុំនិយាយគ្នាជាក្រុមមានគ្នាច្រើននាក់៖ ការនិយាយទូរស័ព្ទដែលលើសពីពីរនាក់ ក្រុមហ៊ុនកាត់លុយសាហាវណាស់។ ដូច្នេះហើយ ប្រសិនជាអាច អ្នកគួរតែទូរស័ព្ទម្តងម្នាក់ៗឬផ្ញើសារជំនួសវិញ៕
ដោយ៖ អឹុង មុយយូ
