តើការពិសាភេសជ្ជៈ កូកាកូឡា ពិតជាអាក្រក់ចំពោះសុខភាពមែនទេ?
នាយុគសម័យឌីជីថលនេះ មនុស្សជាច្រើនជាពិសេសយុវជន ចូលចិត្តពិសាភេសជ្ជៈណាស់ ជាពិសេសគឺ កូកាកូឡាតែម្ដង។ ឪពុកម្ដាយភាគច្រើន ហាមកូនមិនឱ្យពិសាភេសជ្ជៈនេះទេព្រោះគិតថាអាចបណ្ដាលឱ្យប៉ះពាល់ដល់សុខភាពជាមិនខាន។
តើCoca-Colaមានផលប៉ះពាល់ធ្ងន់ធ្ងរដល់កម្រិតណា? សូមអានខ្លឹមសារខ្លីៗខាងក្រោម យោងទៅតាមការចុះផ្សាយរបស់គេហទំព័រ quora.com។
១) ធ្មេញខូច៖ ដោយសារតែនៅក្នុងភេសជ្ជៈ Coca-Cola មានជាតិស្ករច្រើន វាអាចធ្វើឲ្យធ្មេញរបស់អ្នកមានបញ្ហាមិនល្អប្រសិនអ្នកញ៉ាំភេសជ្ជៈនេះច្រើនពេក ហើយសម្អាតធ្មេញរបស់អ្នកមិនបានល្អ។
២) ឡើងគីឡូ៖ នេះក៏ជាផ្នែកមួយនៃសារធាតុស្ករក្នុង Coca-Cola ផងដែរ។ ប៉ុន្តែ ប្រសិនអ្នកមិនពិសាច្រើនពេកទេ វាក៏មិនអាចឲ្យអ្នកមានជំងឺដល់ស្លាប់នោះទេ។ ត្រូវចាំថា វាមិនធ្វើឱ្យអ្នកឡើងគីឡូនោះទេ ប្រសិនបើអ្នកញ៉ាំតិចតួច ឬមានកំណត់។
៣) ឆ្អឹងមិនរឹងមាំ៖ តាមការសិក្សាខ្លះ បានរកឃើញថា ឆ្អឹងរបស់មនុស្សមិនសូវមាំដោយសារតែពិសាភេសជ្ជៈប្រភេទនេះច្រើនពេក។ តាមពិត វាមិនអ៊ីចឹងទាំងស្រុងនោះទេ។ ការពិសាភេសជ្ជៈនេះអាចជាផ្នែកមួយតូចប៉ុណ្ណោះ ប៉ុន្តែឆ្អឹងមិនរឹងមាំមែទទែនទៅដោយសារតែពុំបានពិសាទឹកដោះគោ ឬអាហារដែលមានជាតិកាល់ស្យ៉ូមគ្រប់គ្រាន់តែប៉ុណ្ណោះ។
៤) ញៀន៖ ក្នុងភេសជ្ជៈ Coca-Cola មានសារធាតុកាហ្វេអ៊ីន អាចធ្វើឱ្យយើងចង់ពិសា ហើយពិសាទៀត ប៉ុន្តែវមិនដូចគ្រឿងញៀនដែលធ្វើឱ្យយើងអត់វាមិនបាននោះទេ៕
ដោយ៖ អ៊ឺង មុយយូ
