ទម្លាប់ទាំង ៣យ៉ាងខាងក្រោមនេះ អាចជួយឲ្យជីវិតរបស់អ្នកល្អប្រសើរឡើងជាមុន
ទម្លាប់អាក្រក់កើតឡើងពីខ្លួនយើងនេះឯង វាចេញពីការគិតដែលយើងមាននៅក្នុងខួរក្បាល។ ប្រសិនអ្នកគិតអវិជ្ជមាន ជីវិតរបស់អ្នកច្បាស់ជាអវិជ្ជមានជាពុំខាត។ ដូច្នេះហើយការគិតពិតជាជះឥទ្ធិពលយ៉ាងខ្លាំងដល់ជីវិតរបស់អ្នក។ ប្រសិនអ្នកចង់ឲ្យជីវិតរបស់អ្នកវិជ្ជមាន ចាប់ផ្ដើមពីចំណុចទាំង ៣យ៉ាងខាងក្រោមនេះ៖
១) ឈប់និយាយអំពីពាក្យថា «ប្រសិន»៖ មនុស្សជាច្រើនមិនព្រមប្រើប្រាស់អ្វីដែលខ្លួនឯងមាននៅក្នុងខ្លួនឯងនោះទេ។ ពួកគេតែងតែគិតថាខ្លួនឯងមិនទាន់រួចរាល់។ ឧទាហរណ៍ថាពួកគេគិតថា ប្រសិនបើពួកគេមានលុយច្រើន ពួកគេនឹងចាំចាប់ផ្តើមជំនួញ។ ប៉ុន្តែ ពួកគេមិនព្រមចាប់ផ្ដើមនូវអ្វីដែលខ្លួនឯងមាននោះទេ។ ប្រើប្រាស់ជំនាញដែលខ្លួនឯងមាន ទៅធ្វើការដើម្បីសន្សំលុយ។ វិធីម៉្យាងទៀតគឺ ចាប់ផ្ដើមជំនួញដោយថវិកាតិចតួច ហើយចាំពង្រីកឲ្យធំ។
២) ត្រូវមានគោលដៅឲ្យច្បាស់លាស់៖ មុននឹងធ្វើអ្វីមួយ អ្នកត្រូវតែមានគោលដៅច្បាស់លាស់។ បើមិនអ៊ីចឹងទេ អ្នកមិនដឹងថា ខ្លួនឯងចង់បានអ្វីនោះទេ។ បន្ថែមពីលើនេះ អ្នកត្រូវសរសេរគោលដៅរបស់អ្នកដាក់ក្នុងសៀវភៅ ព្រោះវាជួយរំលឹកអ្នកឲ្យខំប្រឹងរាល់ពេលដែលអ្នកឃើញវា។
៣) សិក្សាពីកំហុស៖ មនុស្សជោគជ័យពិតប្រាកដមិនដែលឈឺចាប់ពេលដែលភាពបរាជ័យកើតឡើងនោះទេ។ បន្ថែមពីនេះទៅទៀត ពួកគេក៏មិនបន្ទោសអ្នកដទៃផងដែរ។ ដូច្នេះហើយ អ្នកអាចរៀនសូត្រចំណុចនេះ បានពីបុគ្គលជោគជ័យ។ គ្របគ្រងជីវិតរបស់អ្នក ធ្វើអ្វីដែលអ្នកគួរធ្វើ ពុំចាំបាច់អ្នកដទៃមកជួយលើកទឹកចិត្តអ្នកនោះទេ។ បើបរាជ័យកើតឡើង ចាត់ទុកវាជាឱកាសសម្រាប់រៀនសូត្រនិងធ្វើឲ្យល្អលើកក្រោយ៕
ប្រែសម្រួល៖ អឹុង មុយយូ ប្រភព៖ addicted2success.com
