មានអ្វីកើតឡើងខ្លះប្រសិនអ្នកមិនទទួលទានអាហារពេលព្រឹកឲ្យបានទៀងទាត់?
អ្នកខ្លះមិនទទួលទានអាហារពេលព្រឹកដោយសារងើបពីគេងយឺត ពិសាមិនទាន់ មិនឃ្លានឬចាំទទួលទានអាហារថ្ងៃត្រង់ (Brunch) តែម្ដងទៅដើម្បីសន្សំលុយបានខ្លះ។ មិនថាហេតុផលរបស់អ្នកជាអ្វីនោះទេ រំលងអាហារពេលព្រឹកគឺមិនល្អចំពោះសុខភាពឡើង។ ខាងក្រោមនេះជាហេតុអវិជ្ជមានដែលនឹងកើតឡើងប្រសិនអ្នករំលង មិនទទួលទានអាហារពេលព្រឹក៖
១) ផ្នែកប្រាជ្ញា៖ ប្រសិនអ្នកមិនទទួលទានអាហារពេលព្រឹក នោះអ្នកក៏ខ្វះជីវជាតិផងដែរ ពោលគឺគ្មានវីតាមីនក្នុងខ្លួនគ្រប់គ្រាន់ ហើយគ្មានជីវជាតិគ្រប់គ្រាន់ ខួរក្បាលរបស់អ្នកក៏មិនដំណើរការបានល្អផងដែរ ដូច្នេះហើយវាអាចប៉ះពាល់ដល់ភាពវ័យឆ្លាតនិងការអភិវឌ្ឍន៍របស់ខួរក្បាល។
២) ឡើងគីឡូ៖ អ្នកប្រហែលជាឆ្ងល់ហើយថាមិនពិសាអាហារពេលព្រឹក ម៉េចទៅឡើងគីឡូទៅវិញ? អស់រយៈពេលមួយយប់ ខ្លួនប្រាណរបស់អ្នកមិនបានទទួលអាហារអ្វីនោះទេ ហើយប្រសិនជានៅពេលព្រឹក អ្នកមិនពិសាអាហារទៀត អ្នកច្បាស់ជាឃ្លានហើយញាំច្រើននៅពេលថ្ងៃទៅវិញ ដែលនេះជាកត្តាដែលធ្វើឲ្យអ្នកឡើងគីឡូទៅវិញ។
៣) ខូចក្រពះ៖ នៅពេលដែលអ្នកមិនទទួលទានអ្វីសោះ ក្រពះរបស់អ្នកមិនមានអ្វីដើម្បីកិននោះទេ។ ហើយនៅពេលដែលក្រពះបញ្ចេញជាតិអាស៊ីដមកទៀតនោះ យូរៗទៅវាកាត់ក្រពះ ធ្វើឲ្យឈឺក្រពះ។
៤) កម្រិតជាតិស្ករថយចុះ៖ អាហារពេលព្រឹកពិតជាប៉ះពាល់ដល់កម្រិតជាតិស្ករនៅក្នុងខ្លួនរបស់អ្នក ហើយវាអាចធ្វើឲ្យមួម៉ៅនិងខឹងជានិច្ច។ ព្រោះប្រសិនបើកម្រិតជាតិស្ករថយចុះ អ្នកមិនសូវមានអារម្មណ៍ល្អប៉ុន្មាននោះទេ ពោលគឺអ្នកងាយខឹងខ្លាំងណាស់។ ម៉្យាងវិញទៀត ថាមពលរបស់អ្នកក៏ ថយចុះផងដែរនៅពេលកម្រិតជាតិស្ករថយចុះ៕
ប្រែសម្រួល៖ អឹុង មុយយូ ប្រភព៖ eatthis.co
