អន្ទាក់ចិត្តសាស្ត្រដ៏ឆ្លាតវៃទាំង ៦ដែលគ្រប់គ្នាគួរឈ្វេងយល់
ការយល់ដឹងពីអន្ទាក់ចិត្តសាស្រ្តមួយចំនួន ពិតជាមានប្រយោជន៍សម្រាប់ប្រើការក្នុងការដោះស្រាយបញ្ហាផ្សេងៗទៅតាមកាលៈទេសៈខ្លះ ថ្វីបើវាគ្រាន់តែជាយុទ្ធសាស្ត្រដែលមិនអាចប្រើការបានគ្រប់ស្ថានការណ៍ក៏ដោយ ហើយខាងក្រោមនេះ គឺជាអន្ទាក់ចិត្តសាស្ត្រដ៏មានប្រយោជន៍មួយចំនួនសម្រាប់អ្នកគួរស្វែងយល់យកមកប្រើប្រាស់៖
១) នៅពេលអ្នកមានអារម្មណ៍ភ័យខ្លាច ការទំពាស្ករកៅស៊ូ ឬទំពាអាហារផ្សេងៗអាចជួយអ្នកបំបាត់ភាពភ័យខ្លាចទាំងនោះបាន ព្រោះសកម្មភាពទំពាអាហារ នឹងដាក់អន្ទាក់ផ្នែកដ៏សំខាន់មួយនៃខួរក្បាលរបស់អ្នកឲ្យគិតថា អ្នកនឹងមិនអាចជួបគ្រោះថ្នាក់អ្វីនោះឡើយ។
២) បើមាននរណាម្នាក់ខឹងនឹងអ្នក ហើយអ្នកនៅតែព្យាយាមរក្សាអារម្មណ៍ឲ្យស្ងប់ ពួកគេនឹងកាន់តែខឹងអ្នកជាងមុន ប៉ុន្តែក្រោយមកពួកគេនឹងមានការខ្មាសអៀនចំពោះខ្លួនឯងមិនខាន។
៣) បើអ្នកសួរសំណួរទៅកាន់នរណាម្នាក់ ហើយពួកគេផ្ដល់ចម្លើយមិនពេញលេញមួយដល់អ្នក ថែមទាំងរក្សាក្រសែភ្នែកដែលសម្លឹងមកអ្នក ក្រោយមករក្សាភាពស្ងៀមស្ងាត់ ចម្លើយរបស់ពួកគេបែបនេះអាចសន្មតបានថា ចម្លើយដែលពិតប្រាកដអាចមិនសូវល្អប៉ុន្មាននោះទេ បន្ទាប់មកពួកគេនឹងបន្តនិយាយទៀត។
៤) មនុស្សភាគច្រើនតែងយល់ព្រមនឹងអ្នកនូវសំណើតូចមួយ បន្ទាប់ពីពួកគេបានបដិសេធនូវសំណើធំប្រហែលមួយដង ឬពីរដងដំបូងរួចមក។
៥) ផលប៉ះពាល់ផ្នែកផ្លូវកាយជាច្រើនដែលបង្កពីភាពតានតឹង គឺដូចគ្នាទៅនឹងផលប៉ះពាល់ផ្នែកផ្លូវកាយដែលបង្កពីភាពរំភើបដែរ ដូចជាការថប់ដង្ហើម ចង្វាក់បេះដូងលោតញាប់ជាដើម។ ដូច្នេះបើសិនជាអ្នកចង់ផ្លាស់ប្ដូរភាពតានតឹងទៅជាអារម្មណ៍រំភើបសប្បាយរីករាយវិញ អ្នកត្រូវបកស្រាយទៅខ្លួនឯងនូវស្ថានការណ៍ភ័យតក់ស្លុតទៅជាស្ថានការណ៍ដែលមានលក្ខណៈប្រកួតប្រជែងវិញ។
៦) បើអ្នកនៅក្នុងការប្រជុំណាមួយ ហើយចង់ឲ្យនរណាម្នាក់រិះគន់អ្នកយ៉ាងខ្លាំង អ្នកអាចធ្វើបែបនោះដោយទៅអង្គុយនៅក្បែរគេ។ នៅពេលនោះ ពួកគេនឹងភ្លេចខ្លួនពីឥរិយាបថដែលក្នុងចំណោមមនុស្សជាច្រើនមានទំនោរប្រកាន់យក បែបនេះវានឹងធ្វើឲ្យពួកគេងាយស្រួលក្នុងការរិះគន់អ្នក ដែលយ៉ាងហោចណាស់ក៏ពួកគេបញ្ចេញនូវភាពគំរោះគំរើយរបស់ពួកគេក្នុងកម្រិតមួយតិចតួចចំពោះអ្នកដែរ៕
ប្រភព៖ brightside
