ប្រសិនចង់ជាប់វគ្គសម្ភាស អ្នកត្រូវឆ្លើយសំនួរខាងក្រោមនេះឲ្យបានល្អ
វគ្គសម្ភាសគឺជាវគ្គដែលសំខាន់បំផុតព្រោះវាកំណត់នូវជោគវាសនាតើអ្នកអាចនឹងទទួលបានការងារឬក៏អត់ទេ។ យ៉ាងណាមិញ អ្នកអាចត្រៀមខ្លួនឆ្លើយសំនួរខ្លះពីផ្ទះឲ្យហើយព្រោះអ្នកដឹកនាំភាគច្រើនតែងតែពឹងផ្អែកលើសំនួរទាំងនេះក្នុងការវាយតម្លៃបុគ្គល។
ប្រសិនអ្នកត្រៀមខ្លួនបានល្អ អ្នកនឹងមានអត្រាខ្ពស់ក្នុងការទទួលបានការងារនិងទទួលបានទំនុកចិត្តពីអ្នកសម្ភាសទៀតផង។ ខាងក្រោមនេះជាសំនួរដែលអ្នកត្រូវត្រៀមឆ្លើយឲ្យបានល្អ៖
១) រៀបរាល់អំពីខ្លួនឯង៖ ស្ទើរតែគ្រប់ការសម្ភាសទៅហើយ អ្នកសម្ភាសតែងតែចាប់ផ្ដើមឲ្យបេក្ខជនរៀបរាប់អំពីខ្លួនឯង។ ដូច្នេះហើយ អ្នកត្រូវឆ្លៀតយកឱកាសនេះលក់ខ្លួនឯងឲ្យបានល្អ។ អ្នកត្រូវរៀបរាប់ពីបទពិសោធន៍ការងារឬជំនាញដែលបង្ហាញថាអ្នកសាកសមនឹងការងារមួយនេះ។
២) តើចំណុចខ្លាំងរបស់អ្នកជាអ្វី៖ សំនួរនេះមើលទៅងាយស្រួលឆ្លើយប៉ុន្តែការពិតគឺពិបាកឆ្លើយ។ បើទោះបីជាអ្នកដឹងថាខ្លួនឯងពូកែអ្វីក៏ដោយ អ្នកត្រូវឆ្លើយយ៉ាងណាឲ្យចំណុចខ្លាំងរបស់អ្នកទាក់ទងទៅនឹងការងារថ្មីដែលអ្នកចង់ធ្វើនេះ។ តើការងារថ្មីរបស់អ្នកចង់បានអ្នកពូកែចរចាឬអ្នកពូកែសរសេរ។ល។ អ៊ីចឹងហើយ អ្នកគួរតែអានព័ត៌មានការងារឲ្យបានលម្អិត។
៣) តើអ្នកចង់ក្លាយជាអ្វីនាពេល៥ឆ្នាំខាងមុខទៀត៖ ទោះបីជាអ្នកដឹងឬមិនដឹងពីគោលដៅនាថ្ងៃអនាគតក៏ដោយ អ្នកត្រូវត្រៀមចម្លើយមួយក្នុងចិត្តព្រោះអ្នកមិនអាចនិយាយថា«ខ្ញុំមិនដឹងនោះទេ។ ខ្ញុំចេះតែធ្វើការទៅនោះទេ។» អ្នកដឹកនាំគ្រប់រូបតែងតែចង់បានបុគ្គលដែលមានមហិច្ឆតានិងមានគោលដៅច្បាស់លាស់៕
ប្រែសម្រួល៖ មុយយូ ប្រភព៖ workopolis
