ការសម្រេចចិត្តបែបចិត្តសាស្ត្ររបស់មនុស្សមាន ៣កម្រិត តើអ្នកស្ថិតនៅក្នុងកម្រិតណាដែរ?
នេះបើតាមលោក Sigmund Freud ដែលជាអ្នកជំនាញសិក្សាចិត្តសាស្ត្ររបស់មនុស្ស (Human Psyche) ឬអត្តចរិត (Personality)។ លោក រកឃើញថា ជាធម្មតា មនុស្សធ្វើការសម្រេចចិត្តមាន ៣កម្រិត ពោលគឺ ID, Ego និង Superego៖
១) ID ៖ ID គឺជាការសម្រេចចិត្តដោយផ្នែកទៅលើចំណង់ ក្ដីចង់បានរបស់មនុស្ស។ ឧទាហរណ៍ថា ពេលដែលអ្នកឈប់នៅភ្លើងចរាចរណ៍ ហើយភ្លើងចរាចរណ៍នោះពណ៌ក្រហម។ ប្រសិនជាអ្នកធ្វើការសម្រេចដោយផ្នែកទៅលើ ID អ្នកមិនខ្វល់ថាអ្នកខុសច្បាប់ឬមិនខុសច្បាប់នោះទេ ពោលគឺអ្នកចង់ទៅ មិនចង់ឈប់ព្រោះវាជាចំណង់ចេញពីចិត្ត។
២) Ego ៖ កម្រិតទី២នៃការសម្រេចចិត្តរបស់មនុស្សគឺEgo ។ Ego គឺជាការសម្រេចចិត្តផ្នែកទៅលើច្បាប់សង្គមនិងការពិត។ ដូចឧទាហរណ៍ខាងលើដដែល ប្រសិនអ្នកសម្រេចចិត្តផ្អែកទៅលើ Ego អ្នកនឹងឈប់ពេលភ្លើងចរាចរណ៍មានពណ៌ក្រហមព្រោះវាជាច្បាប់នៅក្នុងសង្គម។
៣) Superego ៖ Superego គឺជាកម្រិតខ្ពស់បំផុតក្នុងការសម្រេចចិត្តបែបចិត្តសាស្ត្ររបស់មនុស្ស។ ពេលមនុស្សធ្វើការសម្រេចចិត្តដោយផ្នែកទៅលើ Superego មនុស្សធ្វើការសម្រេចចិត្តលើសពីចំណង់ ច្បាប់សង្គមទៅទៀតពោលគឺផ្ដោតទៅលើសីលធម៌ និងគុណតម្លៃក្នុងខ្លួន។ នេះបើតាមឧទាហរណ៍ខាងលើ អ្នកនឹងឈប់ពេលភ្លើងចរាចរណ៍មានពណ៌ក្រហមព្រោះអ្នកចង់ធ្វើជាប្រជាជនដែលគោរពច្បាប់និងគំរូដល់អ្នកដទៃទៀត៕
ប្រែសម្រួល៖ អឹុង មុយយូ ប្រភព៖ Simply Psychology
