ចាប់ផ្ដើមថ្ងៃថ្មីដោយអនុវត្តចំណុចវិជ្ជមានខាងក្រោមនេះ
ការចាប់ផ្ដើមថ្ងៃថ្មីវិជ្ជមានឬអវិជ្ជមានគឺជាជម្រើសរបស់អ្នក។ អ្នកខ្លះងើបតាំងពីព្រឹកដើម្បីអាន ទៅធ្វើការឬហាត់ប្រាណជាដើម ពោលគឺធ្វើអ្វីដែលមានប្រយោជន៍ដល់ជីវិតរបស់ពួកគេ។ ឯអ្នកខ្លះទៀតក៏ជ្រើសរើសដេកដល់ថ្ងៃចាំគូថទើបភ្ញាក់ពីគេង។ ប៉ុន្តែ ការចាប់ផ្ដើមថ្ងៃថ្មីដោយភាពវិជ្ជមានពិតជាសំខាន់ខ្លាំងណាស់ព្រោះវាជួយអ្នកសម្រេចបានកិច្ចការច្រើនក្នុងរយៈមួយថ្ងៃ។ ខាងក្រោមនេះជាគន្លឹះដែលជួយអ្នកចាប់ផ្ដើមថ្ងៃថ្មីដ៏ល្អបាន៖
១) រៀបចាំគម្រោងទុកជាមុន៖ ប្រសិនអ្នកមានគម្រោងទុកជាមុនដូចជាអាហារដែលអ្នកត្រូវពិសា សំលៀកបំពាក់ដែលអ្នកត្រូវពាក់។ល។ វាជួយសន្សំពេលវេលាអ្នកបានច្រើនណាស់។ ហើយវាមិនធ្វើឲ្យអ្នកមួម៉ៅប្រសិនអ្នករកអ្វីពុំឃើញដូចចិត្ត។ បន្ថែមពីលើនេះ អ្នកមានអារម្មណ៍ថារៀបរយ មិនរញ៉េរញ៉ៃនោះទេ។ ចាប់ផ្តើមថ្ងៃថ្មីដោយអារម្មណ៍ល្អបាន។
២) អានអ្វីដែលលើកទឹកចិត្តអ្នក៖ អ្នកគួរអានសៀវភៅឬសុភាសិតអ្វីដែលជំរុញលើកចិត្តអ្នកព្រោះវាជួយអ្នកចាប់ផ្តើមថ្ងៃថ្មីដោយភាពវិជ្ជមាន ជំនឿជឿជាក់និងមានថាមពលធ្វើការពេញមួយថ្ងៃ។
៣) តាំងសមាធិនិងហាត់ប្រាណ៖ ការហាត់ប្រាណមិនត្រឹមតែជួយអ្នកមានសុខភាពល្អថែមទៀតជួយឲ្យអ្នកមានអារម្មណ៍ល្អថែមទៀតផង។ ប៉ុន្តែ ប្រសិនអ្នកបន្ថែមការតាំងសមាធិទៀត នោះកាន់តែល្អព្រោះវាជួយឲ្យអារម្មណ៍ផ្លូវចិត្តស្ងប់ស្ងាត់និងផ្ដោតអារម្មណ៍លើកិច្ចការបានល្អ។
៤) ចាប់ផ្តើមថ្ងៃថ្មីដោយមានគោលដៅ៖ ការមានគោលដៅគឺជាកម្លាំងចិត្តខាងក្នុងដែលជំរុញអ្នកភ្ញាក់ពីគេងដោយមិនចាំបាច់មានម៉ោងរោទ៍។ ម៉្យាងវិញទៀត ការមានគោលដៅច្បាស់លាស់ អ្នកដឹងធ្វើអ្វីដែលអ្នកត្រូវសម្រេចក្នុងថ្ងៃនេះ។ ហើយប្រសិនអ្នកសម្រេចគោលដៅដែលអ្នកកំណត់បាន អ្នកនឹងមានកម្លាំងចិត្តធ្វើកិច្ចការបន្ទាប់ឬនាថ្ងៃបន្ទាប់ទៀតផង៕
ប្រែសម្រួល៖អឹុង មុយយូ ប្រភព៖ inc.com
