៣យ៉ាងដែលអ្នកគួរធ្វើ ដើម្បីមានបញ្ហាធ្ងន់ធ្ងរដល់សុខភាពបេះដូងរបស់អ្នក
អត្រាអ្នកមានបញ្ហារោគបេះដូងចេះតែកើនឡើងជាលំដាប់ ហើយជំងឺនេះកើតឡើងដោយការផ្គួបផ្សំគ្នានៃទម្លាប់ប្រចាំថ្ងៃរបស់អ្នក ដូចជាក្នុងរបបអាហាររបស់អ្នក របៀបនៃការរស់នៅរបស់អ្នក និងជាបញ្ហាទាក់ទងជាមួយនឹងផ្លូវចិត្តរបស់អ្នកផងដែរ។
ដូច្នេះ តើអ្វីខ្លះដែលអ្នកគួរធ្វើដើម្បីថែទាំសុខភាពបេះដូងរបស់អ្នកឲ្យល្អប្រសើរ និងចៀសផុតពីជំងឺបេះដូងបាន ?
១) ទទួលទានអាហារដែលមានសារធាតុអាស៊ីដខ្លាញ់អូមេហ្កា៣៖ អាស៊ីដខ្លាញ់ទាំងអស់មិនមែនសុទ្ធតែអាក្រក់ចំពោះសុខភាពរបស់អ្នកនោះទេ ហើយក្នុងនោះគឺជាអាស៊ីដខ្លាញ់អូមេហ្កា៣នេះឯងដែលជាឧទាហរណ៍ជាក់ស្ដែង។ អាស៊ីដខ្លាញ់អូមេហ្កា៣តែងតែមាននៅក្នុងត្រីសាល់មុន គ្រាប់ធញ្ញជាតិ ស៊ុត និងផ្លែអាវ៉ូកាដូជាដើម។ ក្នុង១ថ្ងៃយ៉ាងហោចណាស់ក៏ត្រូវទទួលទានសារធាតុនេះឲ្យបានកម្រិត៩០០មីលីក្រាមពីរបបអាហាររបស់អ្នកដែរ។
២) កសាងទំនាក់ទំនងល្អជាមួយដៃគូ៖ ផ្លូវចិត្តនិងផ្លូវកាយមិនមែននៅដាច់ដោយឡែកពីគ្នានោះទេ។ បើសិនជាអ្នកមានបញ្ហាផ្លូវចិត្ត នោះវាក៏នឹងប៉ះពាល់ដល់សុខភាពផ្លូវកាយរបស់អ្នកដែរ។ មានការស្រាវជ្រាវជាច្រើនដែលបានគាំទ្រនឹងការរកឃើញថា ការមានដៃគូដែលចាំជួយគាំទ្រផ្ដល់កម្លាំងចិត្តគ្នាទៅវិញទៅមក នឹងធ្វើឲ្យសុខភាពបេះដូងរបស់ពួកគេមានភាពល្អប្រសើរ។
៣) តាមដានកម្រិតសម្ពាធឈាមរបស់អ្នកឲ្យបានជាប់ជាប្រចាំ៖ សម្ពាធឈាមឡើងខ្ពស់តែងតែមានទំនាក់ទំនងគ្នាជាមួយនឹងជំងឺបេះដូង។ ដូច្នេះអ្នកត្រូវធ្វើបែបណា មិនថាជាការធ្វើលំហាត់ប្រាណ ការទទួលទាននូវរបបអាហារដែលមានជីវជាតិបំប៉នល្អនោះទេ ដើម្បីរក្សាកម្រិតសម្ពាធឈាមរបស់អ្នកនៅក្បែរ១១៥ជានិច្ច។ ម្យ៉ាងទៀតកម្រិតជាតិកូឡេស្តេរ៉ុលរបស់អ្នកក៏ត្រូវទទួលការត្រួតពិនិត្យជាប់លាប់ដែរ ហើយត្រូវរក្សាវាឲ្យនៅក្រោមកម្រិត៧០ជានិច្ច៕
ប្រភព៖ success.com ប្រែសម្រួល៖ ស្រីពៅ
