ចំណុច៤យ៉ាងដែលអ្នកជំនួញគួរធ្វើមុនពេលឆ្នាំថ្មីឈានចូលមកដល់
ជាការពិតណាស់ នៅសល់តែប៉ុន្មានថ្ងៃទៀតទេ ឆ្នាំចាស់នឹងបញ្ចប់ឯឆ្នាំថ្មីនឹងឈានចូលមកដល់។ សម្រាប់អ្នកជំនួញ ការបញ្ចប់ឆ្នាំគឺជាពេលវេលាដ៏ធុញថប់មួយព្រោះត្រូវបញ្ចប់គម្រោង កិច្ចការនិងរៀបចំយុទ្ធសាស្ត្រសម្រាប់ឆ្នាំថ្មី។ ខាងក្រោមនេះជាអ្វីដែលអ្នកអាចធ្វើក្នុងនាមជាអ្នកជំនួញប្រសិនអ្នកចង់បញ្ចប់ឆ្នាំចាស់ឲ្យមានផលិតភាព៖
១) មើលថែខ្លួនឯង៖ ក្នុងនាមជាអ្នកជំនួញ ពាក្យដែលអ្នកទទួលបានច្រើនជាងគេគឺ«ថែទាំសុខភាព»។ ហើយសម្រាប់ឆ្នាំនេះ អ្នកមិនគួររំលងដំបូន្មានមួយនេះនោះទេព្រោះថាការថែទាំខ្លួនឯងជួយឲ្យខួរក្បាលរបស់អ្នកមានស្មារតីល្អនិងមានថាមពល។ ដូច្នេះហើយ អ្នកគួរដើរលេង ទៅម៉ាស្សាឬធ្វើអ្វីសប្បាយៗ។
២) ចំណាយពេលគិត៖ ការបញ្ចប់ឆ្នាំចាស់ឲ្យបានល្អនិងត្រៀមខ្លួនសម្រាប់ឆ្នាំថ្មីគឺការគិតសារឡើងវិញ(reflection)។ គិតសារឡើងវិញតើអ្វីដែលដើរបានល្អនិងអ្វីដែលមិនល្អក្នុងឆ្នាំនេះព្រោះឆ្នាំថ្មីមានន័យថាឱកាសថ្មី អ៊ីចឹងហើយប្រើប្រាស់បទពិសោធន៍ឆ្នាំចាស់ហើយវាយលុកឆ្នាំថ្មី។
៣) កុំប្រញាប់បញ្ចប់ឆ្នាំចាស់ពេក៖ បើទោះបីជាឆ្នាំចាស់ជិតដាច់ក៏ពិតមែន តែវាមិនទាន់បញ្ចប់នោះទេ។ ដូច្នេះហើយ ប្រសិនអ្នកនៅមានកិច្ចការដែលត្រូវបញ្ចប់ កុំរងចាំដល់ឆ្នាំក្រោយ ធ្វើវាឲ្យហើយទៅ។
៤) ជប់លៀងជាមួយក្រុមការងារ៖ នេះជាពេលវេលាដ៏ល្អសម្រាប់បង្ហាញពីការដឹងគុណ ការខិតខំប្រឹងប្រឹងដល់សមាជិករួមក្រុម។ នេះមិនត្រឹមតែបង្ហាញពីការដឹងគុណរបស់អ្នកនោះទេ តែវាជួយពង្រឹងមិត្តភាពក្នុងក្រុមកាន់តែរឹងមាំព្រោះអ្នកត្រូវធ្វើការនាឆ្នាំក្រោយទៀត៕
ប្រែសម្រួល៖អឹុង មុយយូ ប្រភព៖ forbes.com
