ពេលគេស្រែកស្ដីឲ្យអ្នក តើគួរធ្វើយ៉ាងណាកុំឲ្យខ្លួនឯងយំកើត?
មិនថាគ្រួសារ មនុស្សជាទីស្រឡាញ់ គ្រូ ឬក៏ប្រធានរបស់អ្នកទេ ពេលខ្លះអ្នកតែងតែត្រូវបានពួកគេទាំងអស់នោះ ស្រែកបន្ទោសដាក់អ្នក។ អារម្មណ៍នៅពេលនោះគឺមិនមែនស្រួលនោះទេ អ្នកខ្លះវិញសឹងទប់ទឹកភ្នែកមិនជាប់ផង។ ហេតុនេះទើបអត្ថបទ ខាងក្រោមចង់បង្ហាញពីវិធី ទប់ស្កាត់ការហូរទឹកភ្នែក ពេលមាននរណាម្នាក់ មកស្ដីបន្ទោសឲ្យ។
១) រកវិធីទប់ស្កាត់កុំឲ្យវាហូរមក៖ បើដឹងថាទឹកភ្នែកជិតហូរចុះមកហើយ អ្នកត្រូវសម្រួលអារម្មណ៍ឲ្យមួយៗ ហើយធម្មតា ដោយព្យាយាមដកដង្ហើមឲ្យវែងៗ ហើយប្រាប់ខ្លួនឯងនូវអ្វីៗដែលល្អៗសិនទៅ។
២) ត្រូវគិតថាកុំធ្វើបាបខ្លួនឯង៖ សាកគិតទៅមើល ពេលដែលអ្នកពិបាកចិត្ត និងបង្ហូរទឹកភ្នែកនៅមុខគេឯង តើគួរឲ្យខ្មាសគេឬគួរឲ្យអាណិត? បើគេមានចិត្តអាណិតអ្នក គេមិនមែនមកស្ដីបន្ទោសដាក់អ្នកកើតឡើយ។ ដូចនេះបើគេចង់ស្ដីឲ្យហើយ អ្នកក៏មិនអាចហាមឃាត់គេបានដែរ រឿងដែលត្រូវធ្វើបន្ទាប់គឺ កុំដាក់សម្ពាធលើខ្លួនឯង ហើយក៏កុំបង្ហាញទឹកភ្នែកនៅមុខគេនាំតែអន់ឲ្យសោះ។
៣) រឿងវានឹងល្អមកវិញ៖ ពេលខ្លះរឿងវាអាក្រក់ពិតមែន តែវាក៏មិនមែននៅថិតថេរបែបនេះរហូតដែរ។ អាចថាអ្នកពិបាកចិត្ត និងភ័យ តែត្រូវគិតថា បើនៅតែបែបនេះ វាក៏មិនប្រសើរដែរ។ អ្នកគួររៀនប្រាប់ខ្លួនឯងថា ផ្លូវងងឹតតែងតែមានចន្លោះពន្លឺតូចមួយសម្រាប់អ្នកដើរចេញមកបានជានិច្ច៕
ប្រែសម្រួល៖ ព្រំ សុវណ្ណកណ្ណិកា ប្រភព៖ wikihow
