រឿងទាំង៤យ៉ាង ដែលបុរសជាប្ដី គួរតែដឹងពីស្រ្ដីមានផ្ទៃពោះ
ស្រ្ដីជៀសមិនផុតពីការពពោះនោះទេ ហេតុនេះហើយទើបបុរសជាស្វាមីគួរតែដឹងថា តើពេលដែលស្រ្ដីមានផ្ទៃពោះ តើអ្នកគួរត្រៀមអ្វីខ្លះទៅដើម្បី នាងក៏ដូចជាខ្លួនឯង? អារម្មណ៍ ទង្វើ និងអ្វីៗ ផ្សេងៗ ជាច្រើនគឺផ្លាស់ប្ដូរ នឹកស្មានមិនដល់ សម្រាប់ស្ដ្រីដែលមានផ្ទៃពោះ។ នេះជាអ្វីដែលអ្នកគួរដឹង៖
១) ផ្ដល់អាហារគ្រប់គ្រាន់សម្រាប់នាង៖ អ្នកណាក៏ដឹងដែរ ថា អាហារគឺសំខាន់ខ្លាំងបំផុតសម្រាប់ស្រ្ដីមានផ្ទៃពោះ។ ហេតុនេះហើយ អ្នកគួរតែរកអាហារណាដែលនាងកុម្ម៉ង់ ទុកឲ្យហើយទៅ។ កាលណានាងនិយាយថាឃ្លានហើយ នាងនឹងមិនចង់ចាំយូរនោះទេ ។ អាហារគឺត្រូវតែមកដល់លើតុភ្លាម ពេលដែលនាងនិយាយថាឃ្លាន។
២) នាងតែងព្រួយបារម្ភ៖ សម្រាប់អ្នកកូន ដំបូង គឺមានអារម្មណ៍ភិតភ័យជាងគេ នេះដោយសារតែវាជាការសម្រាលកូនលើកទី១ក្នុងឆាកជីវិត ហើយវាមិនមែនជារឿងងាយស្រួលនោះទេសម្រាប់មាតាទាំងឡាយ។ ការឈឺចាប់ក៏ខ្លាំង ហើយម្យ៉ាងព្រួយបារម្ភ ផង ខ្លាចតែមានបញ្ហាកើតឡើង។ ដូចនេះក្នុងនាមជាប្ដី អ្នកគួរផ្ដល់ដំបូន្មានឲ្យនាងចេះលួងចិត្ត និងសម្រួលអារម្មណ៍របស់ខ្លួន គិតពីអ្វីៗ ដែលល្អវិញទើបប្រសើរ។
៣) នឿយហត់ ច្រើន៖ ជាការពិតណាស់ សម្រាប់ស្រ្ដីមានផ្ទៃ ពោះ ពួកគេងាយទទួលបានអារម្មណ៍តប់ប្រមល់ និង ឆេវឆាវខ្លាំងណាស់ ដែលជាហេតុធ្វើឲ្យពួកគេ ងាយនឹងនឿយហត់ អស់កម្លាំង។ ដោយសារការនឿយហត់នេះ សូមបុរសៗ កុំចោទថានាងគេចវេះឬខ្ជិលមិនចង់ធ្វើអ្វីឲ្យសោះ។
៤) អារម្មណ៍ផ្លាស់ប្ដូរ៖ ជាការពិតណាស់ គ្រាន់តែចំណាយពេល ៩ខែ ក្នុងការទ្រាំ នឹងប្រពន្ធរបស់អ្នកគឺមិនពិបាកទេ។ នារីដែលមានផ្ទៃពោះ គឺមានបម្លាស់ប្ដូរអ័រម៉ូនញឹកញាប់ ដែលជាហេតុនាំឲ្យអារម្មណ៍មិនថិតថេរ នឹងន ទាល់តែសោះ។ ជួនកាលទៅក៏ឆាប់ខឹង ឆាប់ពិបាកចិត្ត ឆាប់សប្បាយ ឆាប់យំ ទៅតាមអារម្មណ៍ដែលនឹកឃើញ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ babygaga
