តើគួរធ្វើយ៉ាងណា ដើម្បីបញ្ឈប់សុបិនអាក្រក់រាល់យប់ទៀត?
ជឿជាក់ថា គ្មានអ្នកណាម្នាក់ចង់ទទួលបានអារម្មណ៍បែបនេះឡើយ។ អារម្មណ៍ពេលដែលអ្នកកំពុងតែគេងលង់លក់យ៉ាងស្កប់ស្កល់នៅពេលរាត្រី ប៉ុន្តែមកត្រូវភ្ញាក់ទាំងកណ្ដាលអធ្រាត្រ ហើយបែកញើសនិងភ័យខ្លាចដោយសារតែសុបិនអាក្រក់ទៅវិញ។ តើវាមកពីហេតុអ្វីទៅ? តើគួរធ្វើយ៉ាងណាកុំឲ្យវាកើតឡើងលើអ្នកម្ដងទៀត?
១) កុំអានឬមើលអ្វីដែលគួរឲ្យខ្លាចមុនពេលចូលគេង៖ ការទទួលអារម្មណ៍តក់ស្លុតឬភ័យខ្លាចមុនពេលចូលគេង គឺមានភាគរយខ្ពស់ណាស់ដែលអាចឲ្យអ្នកមានសុបិនគួរឲ្យភ័យខ្លាចបាន។ ការដែលមើលរឿងខ្មោចឬអានអ្វីៗដែលរន្ធត់ ពេលនោះរឿងរ៉ាវទាំងនោះវានឹងដក់ជាប់ខួរក្បាលរបស់អ្នក ហើយការដក់ជាប់នោះវានឹងបង្កើតបានជាអារម្មណ៍ដែលភ្ជាប់ទៅនឹងការស្រមើស្រមៃរបស់អ្នកពេលកំពុងលង់លក់។
២) ពិនិត្យលើរបបអាហាររបស់អ្នក៖ ការទទួលទានអាហារកៀកម៉ោងសម្រាក អាចនាំឲ្យអ្នកសុបិនអាក្រក់ផងដែរ។ លើសពីនោះផងដែរ អ្នកមិនគួរពិសាភេសជ្ជប៉ូវកម្លាំង កាហ្វេនិងសារធាតុអាល់កុលនានានៅពេលយប់ទេ ព្រោះវានាំឲ្យប៉ះពាល់ដល់ដំណេកអ្នកផងដែរ។
៣) ព្យាយាមកុំគិតរឿងណាឲ្យពិបាកចិត្ត៖ ការណ៍ដែលអ្នកព្យាយាមគិតរឿងរ៉ាវណាដែលនាំឲ្យអ្នកពិបាកចិត្ត អ្នកនឹងមិនងាយសុបិនឃើញអ្វីល្អទេ។ អារម្មណ៍ពិបាកចិត្តនោះវាតែងតែបង្កើតរូបភាពអាក្រក់ៗមកជារឿយៗ ដែលជាហេតុនាំឲ្យអ្នកសុបិនអាក្រក់រាល់យប់បែបនេះ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ dreams.co.uk
