ចំណុចខ្លះៗ ដែលអាចលើកទឹកចិត្តឲ្យយុវជនបង្កើតអាជីវកម្មបាន
តាមពិតទៅ អ្នកជំនួញគឺមិនអាចកំណត់អាយុបានទេ។ ឲ្យតែមានឆន្ទៈ និងមហិច្ឆតា បូករួមនឹងការ ខិតខំទៅ មិនយូរមិន ឆាប់ អ្នក នឹងជោគជ័យ។ ចំណុចខាងក្រោមនឹងបង្ហាញថា តើចំណុចអ្វីខ្លះដែលអាចជំរុញឲ្យយុវជនវ័យក្មេងអាច បង្កើតអាជីវកម្មដោយខ្លួន បាន ហើយជោគជ័យទៀត?
១) ងាយផ្ដោតអារម្មណ៍លើអាជីវកម្ម៖ សម្រាប់យុវជន ពួកគេមាវ័យចាប់ពី១៨ឡើងទៅ ហើយភាគច្រើនពួកគេពុំទាន់មានគ្រួសារដែលត្រូវគ្រប់គ្រងនៅឡើយ។ និយាយរួមគឺរស់ដើម្បីខ្លួនឯង និងរស់ដោយមិនមានសម្ពាធ ពី គ្រួសារឬកូន។ ហេតុនេះហើយ ទើបធ្វើឲ្យពួកគេមានពេលវេលាគ្រប់គ្រាន់ ព្រមទាំងមានអារម្មណ៍ដាក់ចិត្តដាក់កាយសម្រេចការងាររបស់ពួកគេឲ្យលេចបានជារូបរាងឡើង។
២) ពោរពេញដោយថាមពលនិងចំណង់៖ គ្មានអ្វីចម្លែកទេដែល ក្មេងស្រករនេះ គឺពេញកម្លាំងជាងចាស់ៗ។ កំឡុងពេលនេះគឺល្អណាស់សម្រាប់ការបើកអាជីវកម្ម ដោយសារតែម្ចាស់អាជីវកម្មមានទាំងកម្លាំង និងមានទាំងចំណង់ចង់ឲ្យការងារជោគជ័យតាមផែនការ។
៣) លុយមិនសំខាន់លេខ១ទេ៖ អាចថានៅវ័យក្មេងបែបនេះ ពួកគេមិនទាន់ដាក់ចិត្តដាក់កាយខ្លាំង ចំពោះការរកលុយប៉ុន្មានទេ។ សំខាន់ត្រូវធ្វើឲ្យអាជីវកម្ម បានដើរ និងល្បីឈ្មោះ ព្រមទាំងយកបទពិសោធន៍។ ពេលអ្វីៗ ហាក់ ដូចជាប្រសើរសព្វគ្រប់អស់ហើយ ទើបពួកគេដាក់ចំណាត់ថ្នាក់លេខ១សម្រាប់លុយ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ forbes
