ឥរិយាបថទូទៅរបស់មនុស្សឆ្លាត ជៀសមិនផុតពីបែបនេះទេ
មនុស្សខ្លះចូលចិត្តតាំងខ្លួនឯងជាមនុស្សឆ្លាត តាំងដែលពេលខ្លះ គេមិនទាន់បានស្គាល់ថាមនុស្សឆ្លាតគឺបែបណាផងនោះ។ ហេតុនេះ មុននឹងតាំងខ្លួនឯងថាជាមនុស្សឆ្លាត អ្នកគួរតែដឹងថាតើ ឥរិយាបថ យ៉ាងណាដែលសម្គាល់ថាជាមនុស្សឆ្លាតបាន? នេះជាអ្វីដែល អ្នកគួរដឹង៖
១) មនុស្សឆ្លាតតែងមានការសម្រេចចិត្តត្រឹមត្រូវ ហើយភាគច្រើនពួកគេមិនដែលមានពាក្យថាស្ដាយក្រោយចំពោះការសម្រេចចិត្តណាមួយនោះឡើយ។
២) មនុស្សឆ្លាត មិនដែលស្អប់ខ្ពើមកំហុសរបស់ខ្លួនទេ ពួកគេថែមទាំងយកឱកាសរៀន សូត្រពីកំហុសទាំងនោះថែមទៀតផង។
៣) តែងតែមានសំណួរ ចេះឆ្ងល់គ្រប់រឿង ជាពិសេសពួកគេមិននៅស្ងៀមឡើយពេលដែលមាននរណាម្នាក់ផ្ដល់ការងារណាមួយ ពួកគេតែងសួរជីកឫសជីកគល់ទាល់តែយល់ច្បាស់។
៤) មិនចំណាយពេលវេលាឲ្យខាតបង់អត់ ប្រយោជន៍ ដោយសារពួកគេឲ្យតម្លៃពេលវេលា ហើយគិតថាពេលវេលាជាមាសប្រាក់ពិបាកនឹងទិញបាន។
៥) តែងតែមានគំនិតល្អនិងវិជ្ជមានគ្រប់ពេលវេលា ដោយសារពួកគេគិតថា ជីវិតគឺមិនត្រូវមានទុក្ខឬគិតច្រើននោះទេ៕
ប្រែ សម្រួល៖ ព្រំ សុវណ្ណកណ្ណិកា ប្រភព៖ talentsmart
