ចង់ដឹងទេថា «តើអ្នកវិទ្យាសាស្ត្រនិយាយអ្វីខ្លះពីអ្នកសរសេរដៃឆ្វេង»?
ការសិក្សាជាច្រើនទៅលើអ្នកសរសេរដៃឆ្វេងគឺពិតជាគួរឲ្យចាប់អារម្មណ៍ណាស់ ។ ហេតុនេះបើអ្នកចង់ដឹងថាតើ អ្នកដែលសរសេរដៃឆ្វេងជាមនុស្សបែបណានោះ អ្នកគួរអានស្វែងយល់ពីអត្ថបទខាងក្រោមនេះ៖
១) មានគំនិតផ្ទុយពីគេឯង៖ តាមការសិក្សាបញ្ជាក់ថា៖ «អ្នកសរសេរដៃឆ្វេងគឺប្រើប្រាស់ខួរក្បាលខាងស្ដាំមកគិត»។ ហើយការប្រើប្រាស់ខួរក្បាលខាងស្ដាំមកគិត គឺល្អជាងការប្រើប្រាស់ខួរក្បាលខាងឆ្វេង។
២) គិតលឿន និងស្វាហាប់៖ អ្នកស្រាវជ្រាវសញ្ជាតិអូស្ត្រាលីបានបង្ហាញថា៖ «២៥ភាគរយនៃអ្នកលេងវាយបាល់គឺប្រើប្រាស់ដៃឆ្វេង»។ មិនត្រឹមតែប៉ុណ្ណោះ អ្នកដែលប្រើប្រាស់អ្វីៗខាងឆ្វេងគឺសុទ្ធតែល្អទាំងអស់ សម្រាប់ផ្នែកកីឡា មិនថាបាល់ទាត់ វាយសី វាយកូនហ្គោល ប្រដាល់។
៣) ពួកគេទទួលយកដំណឹងខុសគ្នាពីគេឯង៖ តាមការសិក្សារបស់សាកលវិទ្យាល័យ Georgetown បង្ហាញថា៖ «អ្នកសរសេរដៃឆ្វេងនិងស្ដាំគឺស្ដាប់សំឡេងឮខុសៗគ្នា។ ដោយអ្នកដៃស្ដាំអាចទទួលយកបានធម្មតា តែអ្នកដៃឆ្វេងគឺមិនសូវជាស្ដាប់សំឡេងបានឮដូចគេទេ ពោលគឺមានត្រចៀកធ្ងន់៕»
ប្រែសម្រួល៖ ព្រំ សុវណ្ណកណ្ណិកា ប្រភព៖ powerofpositivity
