តើកាហ្វេប្រភេទណាដែលអ្នកចូលចិត្ត? អ្នកវិទ្យាសាស្ត្រនឹងបង្ហាញពីបុគ្គលិកលក្ខណៈអ្នកតាមរយៈកាហ្វេទាំងនេះ
កាហ្វេមានច្រើនប្រភេទណាស់ ហើយមនុស្សគ្រប់គា្នក៏មានចំណង់ចំណូលចិត្តផ្សេងៗគ្នាដែរ។ តាមរយៈការពិសាកាហ្វេ អ្នកវិទ្យាសាស្ត្រអាចទាយដឹងពី បុគ្គលិកលក្ខណៈរបស់អ្នកបានយ៉ាងងាយ។ តើមានអ្វីខ្លះទៅ?
១) អ្នកចូលចិត្តកាហ្វេខ្មៅ៖ ភាគច្រើននៃអ្នកពិសាកាហ្វេនេះគឺជាមនុស្សធម្មតាៗ ស្មោះត្រង់ ស្ងប់ស្ងាត់ ហើយចេះអត់ធ្មត់ទៀត
២) Espresso ៖ រសជាតិ Espresso គឺខ្លាំងណាស់ វាខ្លាំងជាងកាហ្វេខ្មៅធម្មតាទៀត។ ដូចនេះមនុស្សដែលចូលចិត្តពិសាវា ភាគច្រើន ជាមនុស្សរៀងពិបាកនៅជាមួយ ហើយចូលចិត្តប្រើអំណាចរបស់ខ្លួនលើគេឯង។ ក្នុងនោះផងដែរពួកគេក៏ក្រអឺតក្រទម ដាក់គេឯងផងដែរ។
៣) Cappuccino ៖ បើអ្នកចូលចិត្តរសជាតិផ្អែម ហើយចូលចិត្តពិសាកាហ្វេពពុះ នេះបញ្ជាក់ថាអ្នកជាប្រភេទមនុស្សរួសរាយបែប Extrovert។ មិនត្រឹមតែប៉ុណ្ណោះ អ្នកជាមនុស្សចូលចិត្តដើរកម្សាន្តរុករក ចូលចិត្តភាពល្អឥតខ្ចោះ និង ឆាប់ខឹងឆាប់សប្បាយផងដែរ។
៤) អ្នកចូលចិត្តបន្ថែមរសជាតិក្នុងកាហ្វេ៖ ភាគច្រើនអ្នកចូលចិត្តផឹកកាហ្វេដែលមានរសជាតិផ្សេងៗគ្នា គឺជាមនុស្សស្ងប់ស្ងាត់ ហើយនៅតែជាមួយសៀវភៅសឹងគ្រប់ពេល។ ពួកគេជាពពួកមនុស្សពូកែស្រមើស្រមៃ ហើយមានសិល្បៈក្នុងខ្លួន។ ពួកគេជាមនុស្សមានភាពឆ្នៃប្រឌិតក្នុងខ្លួន ហើយពេលខ្លះក៏មានអារម្មណ៍តានតឹងញឹកញាប់ដែរ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ powerofpositivity
