មនុស្សដាក់ខ្លួន តែងមានទម្លាប់៣នេះ ក្នុងការរស់នៅប្រចាំថ្ងៃ
មនុស្សពូកែដាក់ខ្លួន គឺពុំដែលសំញែងនូវអ្វីដែលគេមានឲ្យអ្នកដទៃ ច្រណែនឡើយ និយាយរួមពួកគេគឺជាប្រភេទមនុស្សមិនចេះអួតខ្លួន។ ពួកគេបង្ហាញអ្នកដទៃ ឲ្យឃើញពីទង្វើ ចៀស ជាងការនិយាយតែមាត់។ ជំនួសដោយការអួតខ្លួនឯង អត់ប្រយោជន៍ ពួកគេតែងបង្ហាញឲ្យឃើញពីសមិទ្ធផលតែម្ដង។ ខាងក្រោមនេះគឺជាទម្លាប់ដែល មនុស្ស ពូកែដាក់ខ្លួនតែងតែមាន៖
១) តែងគិតពីអ្នកដទៃ មុន៖ មិនមែនពួកគេមិនគិតឬមិនឲ្យតម្លៃខ្លួននោះទេ តែពួកគេគិតថាខ្លួនឯងនឹងមិនអីឡើយ ដរាបណាអ្នកដទៃ បានសុខ។ បើគិតតែពីខ្លួនឯងជ្រុលពេក គេនឹងមានឈ្មោះថាជាមនុស្សអាត្មានិយមហើយ។
២) តែងស្ដាប់គេឯង៖ អ្នកដែលមិនដែលស្ដាប់គេនិយាយ គឺមកពីខ្លួនគេគិតថាសំដីខ្លួនឯង សំខាន់ជាងសំដីអ្នកដទៃ។ ម្ល៉ោះហើយ ទើបពេលសន្ទនាម្ដងៗ គេមិនសូវយកត្រចៀកស្ដាប់គេឯង។ ឯមនុស្សដាក់ខ្លួន ពួកគេតែងយកពេលមកស្ដាប់អ្នកដទៃ ព្រោះថាការស្ដាប់គេនិយាយកាន់តែច្រើន អ្នកនឹងទទួលបានចំណេះដឹងថ្មីៗ ដែលមិនដែលជួប។ តែបើស្ដាប់ខ្លួនឯងនិយាយវិញ អ្នកនឹងមិនទទួលបានអ្វីថ្មីមកវិញទាល់តែសោះ។
៣) តែងទទួលយកពាក្យរិះគន់ដើម្បីស្ថាបនា៖ មនុស្សដែលមិនចេះដាក់ខ្លួន មិនមែនត្រឹមតែមិនទទួលយកពាក្យរិះគន់ពីអ្នកដទៃ នោះ ទេ សូម្បីខ្លួនឯងធ្វើខុស ក៏នូវតែនិយាយថាខ្លួនឯងត្រូវដែរ។ នេះដោយសារពួកគេលើកតម្កើងខ្លួនឯង ល្អជ្រុលពេក។ តែបើមនុស្សដាក់ខ្លួន ពេលខ្លះទោះខ្លួនខុសឬត្រូវយ៉ាងណាក៏ដោយ ពាក្យរិះគន់គេនឹងទទួលយកទាំងអស់ ព្រោះអីការរិះគន់នាំអ្នកទៅរកភាពល្អឥតខ្ចោះ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ medium
