ពីក្រោយផ្ទាំងគំនូរតម្លៃរាប់លានដុល្លាររបស់ Vincent Van Gogh គឺជាឆាកជីវិតនៃជំងឺផ្លូវចិត្តដ៏ធ្ងន់ធ្ងរ
មានរឿងរ៉ាវជីវិតជាក់ស្ដែងជាច្រើនដែលកើតឡើងហួសពីអ្វីដែលការស្រមើស្រមៃរបស់មនុស្សទូទៅធ្លាប់គិតដល់។ ក្នុងសតវត្សទី១៩ ក្នុងរយៈកាលដ៏ខ្លីនៃឆាកជីវិត៣៧ឆ្នាំ លក្ខណៈលេចធ្លោបង្កប់នូវពីក្រោយវិធីសាស្ត្រក្នុងការគូរគំនូររបស់វិចិត្រករដ៏ចំណានរបស់ហុល្លង់មួយរូប គឺ Vincent Van Gogh មានឥទ្ធិពលយ៉ាងខ្លាំងក្លាទៅលើសិល្បៈគំនូរសម័យទំនើបនាសតវត្សទី២១នេះ បើទោះជារយៈកាល២សតវត្សបានកន្លងយូរមកហើយក៏ដោយ។ ប៉ុន្តែទាំងរឿងរ៉ាវជីវិតការងារនិងជីវិតផ្ទាល់ខ្លួនដ៏គួរឲ្យចាប់អារម្មណ៍របស់គាត់ បានជំរុញអ្នកសិក្សាឲ្យបន្តជជែកដេញដោលគ្នាឥតឈប់ឈរមកទល់ពេលបច្ចុប្បន្ន។ ក្នុងឆាកជីវិត៣៧ឆ្នាំរបស់ Van Gogh ស្នាដៃគំនូររបស់គាត់សរុបទាំងអស់មានចំនួន៩០០ដែលជាផ្ទាំងគំនូរ និងចំនួន១,១០០ទៀតគឺជាគំនូរព្រាង ដែលមានតែ១ផ្ទាំងប៉ុណ្ណោះដែលគាត់បានលក់ពេញមួយឆាកជីវិតរបស់គាត់។ បើគាត់អាចមានជីវិតរស់នៅមកទល់ពេលនេះ គាត់ប្រហែលជាមិនអាចនឹកស្មានដល់ថាឈ្មោះ Vincent Van Gogh គឺជាឈ្មោះតំណាងឲ្យវិចិត្រករដ៏ល្បីល្បាញបំផុតមួយរូបក្នុងប្រវត្តិសាស្ត្រ និងជាអ្នកប្រាជ្ញដ៏ច្នៃប្រឌិតមួយរូបនោះឡើយ។ នេះក៏ព្រោះតែគាត់មិនដែលទទួលបានការទទួលស្គាល់ពីស្នាដៃគំនូរដ៏អស្ចារ្យរបស់គាត់ រហូតទាល់តែក្រោយពេលនៃការស្លាប់បាត់បង់ជីវិតដ៏ខ្លីមួយ ក្នុងវ័យ៣៧ឆ្នាំ ដោយការធ្វើអត្តឃាតខ្លួនឯងនឹងគ្រាប់កាំភ្លើង។ [caption id="attachment_44890" align="aligncenter" width="600"]
www.vangoghmuseum.nl[/caption] គាត់មានជំនក់ចិត្តជាខ្លាំងជាមួយនឹងការងារសិល្បៈគំនូររបស់ខ្លួន ដែលគាត់ធ្លាប់បានពោលឃ្លាមួយថា៖ "ខ្ញុំសុខចិត្តស្លាប់នឹងអ្វីដែលធ្វើឲ្យខ្ញុំជក់ចិត្ត ជាជាងអ្វីដែលធ្វើឲ្យខ្ញុំធុញទ្រាន់"។ ចុះហេតុអ្វីក៏ជីវិតដែលពោរពេញដោយការជក់ចិត្តដិតអារម្មណ៍ខ្លាំងក្លានឹងគំនូរនេះ បែរជានាំឲ្យគាត់ធ្វើអត្តឃាតខ្លួនឯងទៅវិញ ? ត្រង់ចំណុចនេះហើយដែលបានទាញចំណាប់អារម្មណ៍របស់អ្នកសិក្សាពីផ្នែកផ្សេងៗគ្នាជាច្រើនព្យាយាមស្វែងរកភស្តុតាងដើម្បីឆ្លើយនឹងសំណួរដ៏អាថ៌កំបាំងមួយនេះ។ Van Gogh មានបញ្ហាខួរក្បាលពីកំណើត ដែលធ្វើឲ្យមានភាពមិនប្រក្រតីនៅត្រង់តំបន់ណាមួយនៃខួរក្បាល ដែលមានជាប់ពាក់ព័ន្ធនឹងរោគប្រកាច់និងជំងឺធ្លាក់ទឹកចិត្ត។ ប៉ុន្តែ គាត់មានទម្លាប់ប្រើប្រាស់ថ្នាំមួយប្រភេទ ដើម្បីឲ្យការមើលឃើញទៅលើពណ៌មានភាពល្អប្រសើរជាងមុន ដែលទម្លាប់ប្រើប្រាស់ថ្នាំនេះកាន់តែធ្វើឲ្យអ្វីដែលអាក្រក់ស្រាប់ហើយកាន់តែអាក្រក់ជាងមុនទៅទៀត។ [caption id="attachment_44891" align="aligncenter" width="600"]
www.vangoghmuseum.nl[/caption] ពេញមួយឆាកជីវិតរបស់គាត់គឺជាការរងគ្រោះពីជំងឺផ្លូវចិត្ត ដែលទន្ទ្រានអារម្មណ៍និងការគិតរបស់គាត់ ម្ដងឡើងម្ដងចុះជាប្រចាំ។ គាត់មានជំងឺផ្លូវចិត្តម្យ៉ាង ដែលធ្វើឲ្យអ្នកជំងឺនេះមានអារម្មណ៍ថាខ្លួនឯងរស់នៅជាមួយការពិត២ផ្សេងគ្នា ដែលគេហៅថា Bipolar Disorder។ នៅពេលខ្លះអារម្មណ៍ពួកគេក៏ឡើងខ្ពស់ ពោរពេញដោយការឲ្យតម្លៃលើខ្លួនឯងខ្លាំង ពោរពេញដោយជំនក់ចិត្តយ៉ាងខ្លាំងក្លាលើការងារអ្វីមួយ តែក៏មានពេលខ្លះអារម្មណ៍ពួកគេក៏ធ្លាក់ចុះខ្លាំង ដែលបង្កជាជំងឺបាក់ទឹកចិត្តធ្ងន់ធ្ងរ។ Van Gogh អាចសរសេរសំបុត្រដែលមានជាង៨០០តួអក្សរ និងជក់ចិត្តងប់ងុលនឹងការគូរគំនូរ តែពេលខ្លះគាត់ក៏អស់កម្លាំងជាខ្លាំង រហូតមិនអាចឲ្យគាត់ធ្វើការងារអ្វីបាន។ ប៉ុន្តែបញ្ហាផ្លូវចិត្តដ៏ធ្ងន់ធ្ងររបស់គាត់ ថែមទាំងបានជំរុញគាត់ឲ្យកាត់ស្លឹកត្រចៀកម្ខាងរបស់ខ្លួនជាមួយនឹងឡាមផងដែរ។ នៅក្នុងឆ្នាំ១៨៩០ គាត់ក៏បានបាញ់សម្លាប់ខ្លួនឯងជាមួយនឹងកាំភ្លើង ហើយក៏បានស្លាប់បាត់បង់ជីវិតនៅពេល២ថ្ងៃក្រោយ។ ពិភពលោកបានទទួលស្គាល់នូវ Vincent Van Gogh ជាមួយនឹងកេរ្តិ៍ដំណែលដែលមានតម្លៃជាច្រើនសម្រាប់ជំនាន់ក្រោយ។ ឥឡូវនេះ ផ្ទាំងគំនូរ១ផ្ទាំងៗរបស់គាត់ត្រូវបានដាក់ដេញថ្លៃក្នុងតម្លៃរាប់លានដុល្លារឯណោះ។ វិធីសាស្ត្រគូរគំនូរដ៏លេចធ្លោពីគេរបស់គាត់ ត្រូវបានគេមើលឃើញនៅក្នុងការប្រើប្រាស់ជក់ដ៏ប្លែកពីគេ ជាមួយនឹងពណ៌គំនូរដែលដិតភ្លឺច្បាស់ ដែលគាត់ចូលចិត្តប្រើពណ៌លឿងរបស់ពណ៌ក្រូចឆ្មារ និងពណ៌ខៀវដិត និងទេពកោសល្យដ៏ច្នៃប្រឌិតដែលគាត់មានក្នុងប្រើប្រាស់ពណ៌លាយបញ្ចូលគ្នាដើម្បីបង្ហាញពីអារម្មណ៍ដែលបានបង្កប់នៅក្នុងអត្ថន័យនៃផ្ទាំងគំនូររបស់គាត់។ [caption
id="attachment_44892" align="aligncenter" width="466"]
www.vangoghmuseum.nl[/caption] នៅក្នុងឃ្លាមួយរបស់ Van Gogh បានពោលថា៖ "បេះដូងរបស់មនុស្សក៏មិនខុសពីសមុទ្រដែរ វាមានព្យុះរបស់វា ជំនោររបស់វា ជម្រៅរបស់វា ហើយក៏មានខ្យងគជ់របស់វាដែរ"៕
ដោយ៖ ស្រីពៅ
