តើធ្វើយ៉ាងណា អាចក្លាយជាមនុស្សម្នាក់ឈ្នះគ្រប់រឿងរ៉ាវទាំងអស់?
តើអ្នកចង់យកឈ្នះ ដៃគូប្រកួតរបស់អ្នកគ្រប់ពេលដែរឬទេ? តើអ្នកចង់ក្លាយជាអ្នកឈ្នះដ៏ពិតប្រាកដមួយទេ? តើចង់ជោគជ័យនឹងជីវិត ព្រមទាំងជោគជ័យទាំងគោលដៅដែលអ្នកមានដែរទេ? គំនិតខាងក្រោមនេះអាចជួយអ្នកសម្រេចបំណងបាន៖
១) ធ្វើអ្វីមួយៗ កុំបង្ខំ៖ ទោះបីការងារខ្លះទាមទារឲ្យអ្នកធ្វើឲ្យលឿនៗ ពិតមែន តែអ្នកត្រូវរៀនគ្រប់គ្រងអារម្មណ៍របស់ខ្លួនឯងជាដាច់ខាត។ ងាកទៅមើលកីឡាករ ពួកគេទាមទារភាពស្វាហាប់និងបច្ចេកទេសកាន់តែលឿនកាន់តែល្អ តែក្នុងនោះពួកគេគួរសម្រួលអារម្មណ៍មួយៗ ដើម្បីកុំឲ្យភាពតានតឹងវាយលុក។ ការធ្វើអ្វីដោយមិនបង្ខំ គឺអាចឲ្យអ្នកឈ្នះគ្រប់បែបយ៉ាង។
២) ស្គាល់ភាពខ្លាំងនិងខ្សោយរបស់គូបដិបក្ខអ្នក៖ ជំនួសដោយសំណួរ «តើគូបដិបក្ខអ្នក កំពុងគិតអី» អ្នកត្រូវសួរខ្លួនឯងវិញថា «តើភាពខ្លាំងនិងភាពខ្សោយរបស់គេគឺជាអ្វី? តើពួកគេចង់ឈ្នះអ្វី? តើពួកគេកំពុងព្រួយបារម្ភពីអ្វី?»
៣) ត្រូវមានជំនាញណាដែលគេគ្មាន៖ បើសិនជាអ្នកមានជំនាញដូចមនុស្សទូទៅមាន អ្នកមិនងាយនឹងធ្វើអ្វីឈ្នះគេឡើយ។ ហេតុដូច្នេះ បើសិនជាអាច អ្នកអាចលួចបង្កើនជំនាញផ្សេងៗបន្ថែម ដែលគ្មានអ្នកណាមានទៅ ទើបពេលមានរឿងអ្វីកើតឡើង អ្នកនឹងឈ្នះគេដោយសារអ្នកមានអ្វីលើសគេ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ wikihow
