បើចង់បានការងារធ្វើត្រូវធ្វើចំណុចទាំងនេះឲ្យបាន មុនពេលសម្ភាសន៍ការងារ១៥នាទី
មានបុគ្គលិកជាច្រើនណាស់ មិនដឹងទេ ថាមុនពេលសម្ភាសន៍ការងារ១៥នាទី ពួកគេមិនដឹងថាគួរធ្វើអ្វី។ មនុស្សមួយចំនួន កំពុងភិតភ័យ ឯអ្នក ផ្សេងទៀត យកពេលទុកចោល អត់ប្រយោជន៍ទៅវិញ។ តែខាងក្រោមនេះជាចំណុចដែលអ្នកគួរតែស្វែងយល់៖
១) ធ្វើអារម្មណ៍ឲ្យស្ងប់៖ ពេលអ្នកតប់ប្រមល់ខ្លាំង រាងកាយរបស់អ្នកមើលទៅលេងធម្មតាហើយ។ មិនត្រឹមតែប៉ុណ្ណោះ បើអ្នកព្រួយបារម្ភកាន់តែខ្លាំង សមត្ថភាពអ្នក នឹងកាន់តែធ្លាក់ចុះបន្តិចម្ដងៗ ។ ហេតុនេះជំហានដំបូងដែលអ្នកគួរដឹង អ្នកត្រូវសម្រួលអារម្មណ៍ ឲ្យបានស្ងប់ស្ងាត់ជាមុនសិន។
២) មកឲ្យដល់កន្លែងសម្ភាសន៍៖ ពេលខ្លះអ្នកអាចនឹងមកយឺត ដោយសារតែរឿងចៃដន្យមើលមិនឃើញ។ ហេតុនេះដើម្បីជម្លៀសរឿងអស់ទាំងនោះ អ្នកគប្បីមកឲ្យដល់ស្រេច មុន ពេលសម្ភាសន៍ ១៥នាទី។
៣) គួររួសរាយដាក់គេឯង៖ ជាការពិតណាស់ កុំ ភ្លេចរួសរាយដាក់ អ្នកធ្វើការនៅទីនោះ ខណៈអ្នកកំពុងអង្គុយរង់ចាំ ព្រោះអីពួកគេអាចនឹងផ្ដល់ជា ដំណឹងទៅកាន់ អ្នកគ្រប់គ្រងពីអាកប្បកិរិយា ឆ្មើងរបស់អ្នកក៏ថាបាន។
៤) ជ្រើសរើសចំណុចណាដែលអ្នកគួរចាំជាគេ៖ ជឿថាអ្នកនឹងរៀបចំចម្លើយមកពីផ្ទះ ហេតុដូច្នេះហើយ អ្នក គួរចងចាំចំណុចសំខាន់ដែលខ្វះមិនបាននោះឲ្យបានច្បាស់ ជាងគេ។
៥) ដកដង្ហើមមួយៗ ៖ ដកដង្ហើមនេះ នឹងជួយសម្រួលដល់សម្ពាធឈាមអ្នក ឲ្យដើរបាន ធម្មតា ហើយពេលនោះភាពតានតឹងអាចថយចុះមួយកម្រិត ដែលជាហេតុនាំឲ្យអ្នកឆ្លើយសំណួរគេបានល្អ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ business insider
