អ្វីដែលអ្នកគួរដឹង បើសិនចង់ប្រឡូកការងារពាក់ព័ន្ធផ្នែក«គ្រប់គ្រងធនធានមនុស្ស»
មនុស្សជាច្រើនណាស់ ចង់ចាប់ផ្ដើមការងារ ខាងផ្នែកធនធានមនុស្សនេះ។ ដោយវាគឺជាផ្នែកមួយលូតលាស់ បានឆាប់រហ័សសម្រាប់សម័យនេះ មនុស្សជាច្រើន បានក្រឡេកមកចាប់យកឱកាសការងារមួយនេះ។ ដូច្នេះហើយ បើសិនជាអ្នកជាមនុស្សចាប់អារម្មណ៍ផ្នែកនេះមួយដែរនោះ អ្នកគួរអានចំណុចខាងក្រោម៖
១) រៀន ពូកែ និងមានបទពិសោធន៍ផ្នែកនេះ
ជាការពិតណាស់ ផ្នែកធនធានមនុស្សនេះគឺទាមទារអ្នកចេះដឹងខ្លាំង ព្រោះថា អ្នកមានតួនាទីអភិវឌ្ឍក្រុមហ៊ុន ព្រមទាំងបុគ្គលិក ជាច្រើនថែមទៀត។ ហេតុនេះ វា ចាំបាច់ដែលអ្នកគួរមានបទពិសោធន៍ បូក ផ្សំចំណេះដឹងខ្ពស់។
២) អាចដោះស្រាយបញ្ហាបានលឿន
មិនត្រឹមតែឆ្លាតប៉ុណ្ណោះទេ ប៉ុន្តែអ្នក គួរមានសមត្ថភាពខ្ពស់ក្នុងការគិត និងដោះស្រាយរាល់បញ្ហានៅនឹងមុខ។ បញ្ហា រាប់ពាន់ជំពូក ពេលអ្នកទទួលខុសត្រូវការងារនេះ។
៣) អាចធ្វើការក្រោមសម្ពាធ
ពេលមានបញ្ហា សម្ពាធ ក៏មានច្រើនដូចគ្នា។ បើអ្នកជាមនុស្ស មិនសូវធន់នឹងសម្ពាធទេ ការងារមួយនេះអាចនឹងពិបាកសម្រាប់អ្នក។ ហើយការងារនេះនឹងមិននៅជាមួយអ្នកបានយូរឡើយ។
៤) អាចប្រើប្រាស់ កម្មវិធីតាមកុំព្យូទ័របានល្អ
ការងារ និងឯកសាររាប់មិនអស់ដែលអ្នកនឹងត្រូវធ្វើ។ ហើយឯកសារទាំងនោះ នឹងត្រូវធ្វើឡើងយ៉ាងសំងាត់និងលំអិត តាមប្រព័ន្ធកុំព្យូទ័រ។ ដូចនេះហើយអ្នកគួរមានជំនាញអស់ទាំងនេះសិនដែរ។
៥) ជំនាញទំនាក់ទំនង
ការងារមួយនេះ គឺទាមទារការទាក់ទងគ្នាខ្លាំង ដោយសារតែអ្នកត្រូវទាក់ទងជាមួយ មេផ្នែកទាំងអស់ក្នុងក្រុមហ៊ុន ដើម្បីដឹងថាតើពួកគេត្រូវការអ្វី បន្ទាប់មក សឹមធ្វើរបាយការណ៍រាយការណ៍ទៅថ្នាក់លើ៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ the balance.com
