គន្លឹះ ៣យ៉ាងដែលជួយធ្វើឱ្យចិត្តរបស់អ្នកឈប់ច្រណែនគេឯងទៀត!
មនុស្សគ្រប់គ្នាមិនដូចគ្នា ទេ ជួនអ្នកមានចំណុចពិសេស ជួនគេមានចំណុចពិសេស។ តែបើហ៊ានគិតថាគេ ល្អជាងខ្លួនពេក នោះអ្នកនឹងគិតថាខ្លួនឯងអស់ជាមនុស្សគ្មានតម្លៃ ហើយចិត្តច្រណែនក៏ចាប់ផ្ដើមកើតមានឡើង។ តើមានគន្លឹះដូចម្ដេចខ្លះដែល ទប់ស្កាត់អ្នក កុំឲ្យអ្នកច្រណែនគេឯងទៀត?
១) ត្រូវបង្កើនភាពក្លាហានរបស់អ្នក៖ ត្រូវចាប់ផ្ដើមពីការបង្ហាញភាព ក្លាហាន របស់អ្នកចេញមក។ ត្រូវផ្លាស់ប្ដូរយ៉ាងណា ដើម្បីឲ្យមើលមកខ្លួនឯងល្អជាងគេសិន។ បន្ទាប់មក បង្ហាញពីភាពវិជ្ជមានទាំងឡាយ ដែលអ្នកមានចេញមកទាំងអស់។ ពេលនោះអ្នកនឹងមានមោទនភាព ព្រមទាំងក្លាហាន នៅចំពោះមុខអ្នកដទៃ ហើយ។ ចំណែកឯអ្នកដទៃ គឺប្រៀបមិនស្មើអ្នកឡើយ។
២) កុំមានគំនិតអវិជ្ជមានក្នុងខ្លួន៖ កាលណាអ្នកច្រណែននរណាម្នាក់ហើយ អ្នកតែងលើកតម្កើងគេខ្ពស់ណាស់។ ដូចនេះដើម្បីកុំឲ្យមានចិត្តច្រណែនគេ អ្នកត្រូវបន្ទាបខ្លួនគេចុះមកវិញ បន្ទាប់មក រៀនគិតល្អពីខ្លួនឯង ហើយកុំបន្ដគំនិតអវិជ្ជមានក្នុងខ្លួនតទៅទៀត។
៣) រៀនអបអរនឹងជ័យជំនះគេវិញ៖ កាលណាមនុស្សម្នាក់ ជោគជ័យចំពោះអ្វីដែលគេបានធ្វើ អ្នកគួរងាកមករៀនអបអរគេវិញទៅ។ ទោះបីអ្នកធ្វើមិនបានដូចគេ តែថ្ងៃណាមួយជ័យជំនះគង់តែក្លាយជារបស់អ្នក។ កាលណាអ្នកអាចអបអរជ័យជំនះគេ ពេលអ្នកជោគជ័យគេនឹងមកអបអរអ្នកវិញដូចគ្នា៕
ប្រែសម្រួល៖ ព្រំ សុវណ្ណកណ្ណិកា ប្រភព៖ becomingminimalist
