ទម្លាប់អាក្រក់ ៤ យ៉ាងដែលសហគ្រិនទាំងអស់គួរបោះបង់ចោល
ខាងក្រោមនេះ គឺជាទម្លាប់ បួនយ៉ាងដែលសហគ្រិនទាំងអស់គួរបោះបង់ចោល ដើម្បីឱ្យជីវិតកាន់តែប្រសើរឡើងថែមទៀត។ ទម្លាប់ទាំងបួននោះគឺ៖
១) ធ្វើកិច្ចការលំបាក ១០០%នៃពេលវេលារបស់អ្នក នេះគឺពិតជារឿងជ្រុលពេកហើយសម្រាប់លោកអ្នក។ លោកអ្នកត្រូវដឹងថា ការធ្វើខិតខំគឺពិតជាសំខាន់សម្រាប់ភាពជោគជ័យនៃអាជីវកម្មរបស់អ្នក ក៏ប៉ុន្តែស្រមៃទៅមើលបើអ្នកប្រើពេលវេលារបស់អ្នក១០០%ទៅធ្វើកិច្ចការលំបាកទៀតនោះ តើអ្នកនឹងទៅជាយ៉ាងណា? អ្នកគួរតែរៀបចំផែនការមេសម្រាប់ខ្លួនឯង ក៏ដូចជាក្រុមហ៊ុនរបស់អ្នក ហើយត្រូវចែករំលែកពេលវេលាខ្លះដើម្បីធ្វើឱ្យសារពាង្គកាយរបស់អ្នកមានប្រយោជន៍។ ត្រូវគិតពីការហាត់ប្រាណ លេងកីឡា ជាដើម។
២) បង្កើតបណ្ដាញទំនាក់ទំនងគ្រាន់តែមានតែឈ្មោះ និងខាតបង់ប្រយោជន៍ មិនមែនឱ្យពាក្យថា បង្កើតទំនាក់ទំនង ឃើញគេចេះតែចាប់ដៃ និងចង់រាប់អានជាមិត្តភក្ដិឬអាជីវកម្មនោះទេ។ វាទាមទារឱ្យមានការសិក្សាពីបុគ្គលនោះឱ្យបានច្បាស់លាស់ ជាពិសេសប្រវត្តិរបស់គេ។ ម្យ៉ាងវិញទៀត ការទំនាក់ទំនងក៏ទាមទារឱ្យមានភាពឆ្លាតវៃផងដែរ។ ឆ្នាំ២០១៦ ជាឆ្នាំដែលអ្នកគួរបង្កើតបណ្ដាញទំនាក់ទំនងឱ្យឆ្លាតវៃ (smarter) មិនមែនឱ្យលំបាក (harder) និងត្រូវតម្កល់គុណភាពឱ្យខ្ពស់ជាងបរិមាណ។ ការបង្កើតបណ្ដាញគួរធ្វើឡើងទៅលើមនុស្សមកពីពហុវិស័យ។
៣) មានទំនុកចិត្តពេក ការមានទំនុកចិត្តទៅលើការបំពេញកិច្ចការផ្សេងៗ មិនមែនជាចំណុចអាក្រក់នោះទេ ប៉ុន្តែនៅពេលដែលលោកអ្នកមានទំនុកចិត្តខ្ពស់ពេកគឺជារឿងដ៏គ្រោះថ្នាក់។ នៅពេលចូលទៅដល់ឆ្នាំថ្មី លោអ្នកត្រូវធ្វើបាននូវផែនការការងារ ឬផែនការវិនិយោគឱ្យបានច្បាស់លាស់ ហើយ ហើយមិនត្រូវមានទំនុកចិត្តខ្ពស់ពេកនោះទេ។
៤) ដាក់ផែនការធ្វើខ្លួនជាអ្នកជំនាញឱ្យបាន បើទោះបីជាមិនបានក្លាយទៅជាអ្នកជំនាញកម្រិតកំពូលក៏ដោយ យ៉ាងហោចណាស់ក៏គួរតែដល់កម្រិតមួយដែលក្លាយជាអ្នកជំនាញកម្រិតប្រទេសដែរ។ វាមិនខុសទេចំណុចនេះ ក៏ប៉ុន្តែបើដាក់ផែនការតែមួយឆ្នាំធ្វើជំនាញបែបនេះ គឺមិនអាចទៅរួចនោះទេ។ នោះគឺធ្វើឱ្យអ្នកខាតបង់ពេលវេលា ហើយធ្វើឱ្យអ្នកផ្ដោតទៅលើតែកិច្ចការដែលអ្នកពេញចិត្ត មិនគិតគូរពីការរកស៊ីរបស់អ្នក៕
ដោយ៖ រតនៈវិភូ
