ចំណុចពិសេសៗ៤យ៉ាងរបស់បុរស ដែលនារីត្រូវពិនិត្យឲ្យបានច្បាស់មុនរើសជាគូរអនាគត!
ជីវិតជាស្រី និង ប្រុស គឺជៀសមិនផុតពីការមានទំនាក់ទំនងស្នេហាជាមួយគ្នា រហូតឈានដល់ដំណាក់កាលរៀបការ និង សាងគ្រួសារដ៏មានសុភមង្គល។
ប៉ុន្តែយ៉ាងណាក៏ដោយ សម្រាប់នារីគ្រប់រូប មុនពេលសម្រេចចិត្តរើសយកបុរសម្នាក់ជា គូរអនាគតនោះ ត្រូវពិនិត្យមើលឲ្យច្បាស់សិន ជាពិសេសចំណុច៤ខាងក្រោមនេះ៖
- ភាពស្មោះត្រង់៖ ភាពស្មោះត្រង់ គឺពិតជាសំខាន់ខ្លាំងណាស់ ព្រោះបើគ្មានភាពស្មោះត្រង់នោះទេ អ្នកនឹងគ្មានបានអ្វីក្រៅតែពីការឈឺចាប់ ចំពោះអំពើក្បត់នោះឡើយ។ បើទោះបីជា មានរូបរាងសង្ហារ និង ពូកែនិយាយលួងលោមប៉ុន្តែ ក៏ដោយ នារីៗទាំងឡាយ គួរអង្កេតឲ្យបានច្បាស់ថា បុរសនោះមានភាពស្មោះត្រង់ដែរឬទេ។ បើមិនព្យាយាមសង្កេតចំណុចនេះឲ្យបានច្បាស់ទេ ប្រាកដជាត្រូវទឹកភ្នែកនៅពេលក្រោយមិនខាន។
- ចេះយកចិត្តទុកដាក់៖ មនុស្សពីរនាក់ ដែលរស់នៅជាមួយគ្នា លុះត្រាតែអ្នកទាំងពីរគឺជាមនុស្សដែលចេះយកចិត្តទុកដាក់លើគ្នាទៅវិញទៅមក។ បើមានតែម្នាក់ចេះយកចិត្តទុកដាក់ តែម្នាក់ទៀតមិនខ្វល់នោះ ក៏មិនងាយជួបក្តីសុខដែរ។ ដូច្នេះហើយ អ្នកត្រូវតែស្វែងរកបុរសណាដែល មានការយកចិត្តទុកដាក់ខ្ពស់ ឬ ដឹងពីការលំបាករបស់អ្នក ដើម្បីកុំឲ្យមានការស្តាយក្រោយ។
- ចេះអធ្យាស្រ័យខ្ពស់៖ ការរស់នៅជាមួយគ្នា គឺជៀសមិនផុតពីការថ្នាំងថ្នាក់ ដូច្នេះហើយបើប៉ះដៃយកដៃនោះ គឺប្រាកដជាត្រូវក្រឡាប់ចាក់មិនខាន។ ដូច្នេះហើយ នារីៗទាំងអស់ ត្រូវសិក្សាលើចំណុចនេះឲ្យច្បាស់ ដើម្បីជៀសវាងបញ្ហានៅថ្ងៃខាងមុខ ហើយគួរព្យាយាមស្វែងរកបុរសណាដែលគុណសម្បត្តិត្រង់ចំណុចនេះ។
- ចេះទទួលស្គាល់កំហុស៖ ការទទួលស្គាល់កំហុសពិតជា សំខាន់ខ្លាំងណាស់សម្រាប់ការរស់នៅជាមួយគ្នា ព្រោះបើម្នាក់ៗមិនទទួលខុស ហើយចាំតែទទួលត្រូវនោះ ប្រាកដជាមិនអាចកាន់ដៃគ្នាឆ្ពោះទៅកាន់វិធីសុភមង្គលបានឡើយ៕
ដោយ៖ រតនា វិចិត្រ
