តើគួរធ្វើយ៉ាងណាដើម្បីទទួលបានក្រុមការងារមួយដ៏ខ្លាំងក្លា?
តើកត្តាអ្វីខ្លះជំរុញឲ្យក្រុមហ៊ុនដើរទៅមុខបានដោយជោគជ័យ? កត្តាធំជាងគេគឺ បុគ្គលិកនេះឯង។ តើធ្វើបែបណាខ្លះ ដើម្បីទទួលបានក្រុមការងារមួយដ៏ខ្លាំងក្លាបាន?
១) ចេះផ្ដល់តម្លៃដល់គ្នាទៅវិញទៅមក៖ ក្រុមការងារម្នាក់ៗ តែងតែផ្ដល់ប្រយោជន៍អ្វីមួយមកដល់ក្រុមហ៊ុនរបស់អ្នក ដូចនេះទោះបីយ៉ាងណាក៏ត្រូវតែផ្ដល់តម្លៃដល់គ្នាទៅវិញទៅមកដែរ។ ពេលណា ពួកគេមានអារម្មណ៍ថាទទួលបានតម្លៃពីការងារទាំងនោះហើយ ពួកគេនឹងមានកម្លាំងចិត្តធ្វើការងារបានល្អជាមិនខាន។
២) អភិវឌ្ឍជំនាញជាអ្នកដឹកនាំគេ៖ ការយល់ដឹងភាពជាអ្នកដឹកនាំគឺជាជំនាញដែលអ្នកអាចរៀនបាន។ ហើយជំនាញនេះហើយ ដែលអ្នកអាចយកវាមកអនុវត្តគ្រប់កម្រិតបាន។ ហេតុដូចនេះបើសិនជាអាចអ្នកគួរហ្វឹកហាត់សមាជិកក្រុមទាំងអស់ឲ្យយល់ដឹង និងមានភាពជាអ្នកដឹកនាំក្នុងខ្លួនទើបល្អ។
៣) ផ្ដល់អំណាចដល់គ្នាទៅវិញទៅមក៖ ធ្វើការងារជាមួយគ្នា អ្នកគួរតែប្រាកដថា បុគ្គលិកគ្រប់រូបគួរតែទទួលបានការលើកទឹកចិត្ត ហើយផ្ដល់អំណាចក្នុងការគិតពីអ្វីមួយ។ ប្រសិនបើអ្នកមិនដែលផ្ដល់ឱកាសឲ្យពួកគេនិយាយឬបញ្ចេញមតិអ្វីផងនោះ វា នាំឲ្យពួកគេបាក់ទឹកចិត្ត ដោយសារមិនបាននិយាយអ្វីដែលពួកគេចង់និយាយចេញមក៕
ប្រែសម្រួល៖ ព្រំ សុវណ្ណកណ្ណិកា ប្រភព៖ industryweek
