សម្រាប់អ្នកជិះយន្តហោះលើកដំបូង ត្រូវចាំថាបើមានវត្ថុទាំងនេះគឺគេមិនឲ្យអ្នកឈានឡើងយន្តហោះសូម្បីមួយជំហាន!
បើអ្នកតែងតែ ឡើងយន្តហោះញឹកញាប់ អ្នកប្រាកដជាដឹងថាវត្ថុអ្វីខ្លះដែលគេហាមហើយ។ តែបើការជិះយន្តហោះនេះ វាជាលើកដំបូងសម្រាប់អ្នក អ្នកគួរតែដឹងថាតើក្នុងវ៉ា លីគួរដាក់អ្វីខ្លះ និងមិនគួរដាក់អ្វីខ្លះ។ ខាងក្រោមនេះជាវត្ថុដែលគេហាមមិនឲ្យយកឡើង៖
១) វត្ថុដែលអាចធ្វើឲ្យឆាបឆេះ
វត្ថុដែលអាចធ្វើឲ្យឆាបឆេះ ក្នុងនោះមានហ្គាស ដែកកេះ ឬភ្លើងនានា គឺមិនអញ្ញាតឲ្យយកឡើងមកទេ ព្រោះអី វាមានហានិភ័យធ្វើឲ្យឆាប់ឆេះ រាលដាលកាន់តែខ្លាំង។
២)គ្រឿងផ្ទុះ
វាគឺជាគ្រឿងផ្ទុះ ហេតុនេះ គេហាមឃាត់វាជាកំហិត ហេតុនេះអ្នកមិនអាចយកវាមកដាក់តាមខ្លួនទេ។ គ្រឿងផ្ទុះគឺមានច្រើនទម្រង់ណាស់ ដែលវាមានគ្រាប់បែក កាំភ្លើង គ្រាប់រំសេវ ផាវ និងអ្វីៗច្រើនទៀតគឺសុទ្ធតែហាមឃាត់។
៣) សាំង
ហេតុ អីអ្នកចាំបាច់យកវាមកតាមខ្លួន ខណៈពេលអ្នកធ្វើដំណើរ ។ អ្នកមិនបាច់ខ្លាចយន្តហោះអស់សាំងអីនោះទេ អ្វីដែលអ្នកត្រូវគិតគឺសុវត្ថិភាពអ្នកនិងអ្នកដទៃ ។ បើយកសាំងមកតាមជាមួយ គេនឹងបណ្ដេញអ្នកទៅផ្ទះវិញភ្លាម។
៤) កញ្ឆា
កញ្ឆានេះគឺជាសារធាតុញៀនខុសច្បាប់ ទោះពេលខ្លះវាជាឱសថមែន តែខាងអាកាសយានដ្ឋានគឺហាមប្រាមមិនឲ្យមានការប្រើប្រាស់និងយកវាមកលើយន្តហោះនោះទេ។
៥) វត្ថុស្រួច
វត្ថុណា ដែលជាមុខស្រួច គឺគេហាមឃាត់មិនឲ្យយកមកទេ ព្រោះវាអាចប្រើជាអាវុធមួយគ្រោះថ្នាក់បាន។ កាំបិត កន្ត្រៃ ឬម្ជុលផ្សេងៗ បើជៀសបានមិនបាច់យកមកទេ។
៦) អាហារស្អុយ
គេមិនហាមអ្នក ក្នុងការយកអាហារឡើងមកលើយន្តហោះទេ តែត្រូវប្រាកដថាអាហារទាំងនោះគឺមិនមានក្លិនណាដែលប៉ះពាល់ដល់អ្នកអង្គុយជិតខាងអ្នក៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ travel-made-simple
