មិនបាច់ត្រូវការ ភាពវ័យឆ្លាតពេកទេ គ្រាន់តែមួយចំណុចនេះអ្នកក៏ជោគជ័យបានដែរ
ចំណុចមួយនាំអ្នកជោគជ័យខ្ពស់បំផុតគឺ«ការគ្រប់គ្រងខ្លួនឯង»។ ការគ្រប់គ្រងខ្លួនឯងគឺមិនមែន ជាការដាក់សម្ពាធ ឃាត់ឃាំង ឬចង់ឈ្នះលើខ្លួនទេ។
កាគ្រប់គ្រងខ្លួន គឺជាវិធីមួយព្យាយាមគ្រប់គ្រងខ្លួនឯង ក្នុងការធ្វើអ្វីមួយដែលអ្នកគិតថាវាល្អ។ ឧទាហរណ៍ថាអ្នក ចង់ផ្ដាច់បារី បើអ្នកមិន អាចគ្រប់គ្រងខ្លួនឯងបានទេនោះ មិនថាអ្នកដឹងពីវិធីផ្ដាច់ឬយល់ដឹងច្រើនយ៉ាងណាទេ ក៏អ្នកនៅតែមិនអាចផ្ដាច់វាបានដដែល។
នេះដោយសារតែអ្នកមិន អាចឃាត់ចិត្ត និងហាមចិត្តលើខ្លួនឯងបាន។ ហេតុនេះ ពេលខ្លះអ្នកមិនចាំបាច់មានការគិតនិងបញ្ញាខ្ពស់ខ្លាំងក៏បាន ឲ្យតែអ្នកអាចគ្រប់គ្រងលើខ្លួនឯងបាន ដឹងថាខ្លួនត្រូវធ្វើអ្វីនោះ អ្នកក៏អាចក្លាយជាមនុស្សជោគជ័យមួយរូបបានដែរ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ lifehack
