បើមានសញ្ញាបែបនេះកើតឡើង មានន័យថាអ្នកសម្រេចចិត្តជ្រើសរើសផ្លូវខុសក្នុងជីវិត
ការជ្រើសរើសភាគច្រើនគឺតែងផ្ដល់ការ បរាជ័យ។ ហេតុនេះអ្នកត្រូវតែប្រើខួរក្បាល ដើម្បីសម្រេចចិត្តអ្វីឲ្យត្រឹមត្រូវឡើងវិញ ពេលនោះអ្វីគ្រប់យ៉ាងនឹងប្រែក្លាយទៅជាស្រួលសម្រាប់អ្នកជាមិនខាន។សញ្ញាខាងក្រោមនេះ បង្ហាញថាអ្នកកំពុងតែសម្រេចចិត្តធ្វើអ្វីមួយ ខុសហើយ៖
១) សម្រេចចិត្តពេលអ្នកហត់ ឈឺ និងអារម្មណ៍មិនល្អ៖ ពេលអ្នកគិតថាថ្ងៃនេះគឺមិនល្អសម្រាប់អ្នកសោះ ដូចនេះសុំធ្វើការសម្រេចចិត្តលើអ្វីឲ្យសោះ ដើម្បីជៀសវាងការសោកស្ដាយតាមក្រោយ។ នេះដោយសារតែអ្នកមានអារម្មណ៍មិនប្រក្រតី ហើយគិតមិនបានដិតដល់ ហេតុនេះការសម្រេចចិត្តគឺមិនត្រឹមត្រូវចេញពីចិត្តនោះទេ។
២) សម្រេចចិត្តធ្វើអ្វីដែលលើសពីសមត្ថភាព៖ អ្នកមិនអាចសម្រេចចិត្តធ្វើអ្វីមួយ ដែលអ្នកមិនអាចមានសមត្ថភាពនឹងធ្វើវាបាន។ ដូចនេះមុនសម្រេចចិត្ត អ្នកត្រូវថ្លឹងថ្លែងសិនទៅថាតើ អាចទៅរួចឬនៅតែត្រឹមហ្នឹងដដែល។
៣) សម្រេចចិត្តលឿនខ្លាំងពេក៖ ការសម្រេចចិត្តមិនមែនចេះតែគិតនោះទេ។ ហេតុនេះទើបគេផ្ដល់ពេលវេលាមួយសមស្របក្នុងការគិតនិងវិនិច្ឆ័យ ។ បើអ្នកគិតលឿនដដែល វាហាក់ ដូចជាមិនបានគ្រប់ជ្រុងជ្រោយល្អិតល្អន់នៅឡើយ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ charismanews
