ប្រយ័ត្នគេបណ្ដេញចេញ បើសិនអ្នកធ្វើរឿងទាំង៧នេះលើយន្តហោះ
បើនិយាយពីរឿងហោះហើរ បុគ្គលិកបម្រើការលើយន្តហោះគឺធ្វើអ្វីគ្រប់យ៉ាងដើម្បីឲ្យមានការហោះហើរមួយដែលស្រួល ជាពិសេសគឺសុវត្ថិភាពភ្ញៀវជាចម្បង។ ឲ្យតែមានរឿងអ្វីរារាំងដល់ការងារពួកគេ គេនឹងមិនទុកឡើយ។ តើមានរឿងអ្វីខ្លះដែលភ្ញៀវមិនគួរប្រព្រឹត្តលើយន្តហោះ?
១) មិនស្ដាប់តាមការណែនាំរបស់បុគ្គលិកបម្រើការលើយន្តហោះ
ពួកគេនេះហើយគឺជាបុគ្គលដែលចាំមើលថាតើ អ្នកដើរតាមការណែនាំរបស់គេដែរឬអត់? អ្នកមិនអាចប្រឆាំងនឹងពួកគេបានទេ ព្រោះថា ច្បាប់ក៏បានចែងថា ពួកគេមានសិទ្ធិឲ្យអ្នកធ្វើដំណើរគោរពតាម ហើយបើអ្នកមិនដើរតាម គេនឹងបង្ខំចិត្តចុះចតហើយឲ្យអ្នកចេញទៅតែម្ដង។
២)មិនចង់ពាក់ខ្សែក្រវាត់
បើអ្នកមិនព្រមពាក់ខ្សែក្រវាត់ អ្នកធ្វើការនៅទីនោះនឹងបង្ហាញផ្លូវចេញដល់អ្នកហើយ។ វាហាក់ដូចជាប្រឆាំងនឹងច្បាប់នៃការជិះយន្តហោះ ដែលអ្នកមិនពាក់ខ្សែក្រវាត់ពេលធ្វើដំណើរនោះ។
៣) តែងតែឆាឆៅអ្នកជិតខាង
ឈ្លោះគ្នា ស្រែកដាក់គ្នា បង្កការរំខាន ប៉ះពាល់ដល់គេឯង គឺសុទ្ធតែមានបញ្ហាហើយ។
៤) មានកូនក្មេងតូចដែលយំឬបង្កសំឡេងរំខានដល់គេឯង
ជាការពិតណាស់ វាជារឿងលំបាកមួយដែរសម្រាប់ឪពុកម្ដាយដែលមានកូនក្មេងតូចៗ ធ្វើដំណើរតាមជាមួយ។ បើសិនជាពួកគេយំខ្លាំងពេក គឺអាចប៉ះពាល់ដល់ភ្ញៀវដទៃ ដូចនេះខាងអាកាសចរណ៍ក៏អាចមានសិទ្ធិផ្ដល់ការហោះហើរថ្មីដល់ពួកគេបាន។
៥) ពាំនាំក្លិនមិនល្អចូលយន្តហោះ
បើមានក្លិនឆ្អេះអ្វីមួយក្នុងយន្តហោះហើយ មនុស្សគ្រប់គ្នានឹងធំក្លិននេះពេញការធ្វើដំណើរតែម្ដង។ ហេតុនេះត្រូវប្រាកដខ្លួនឯងថា ពេលចូលទៅក្នុងយន្តហោះ អ្នកមិនត្រូវពាំនាំក្លិនអសោច។ ហើយបើសិនជាអាចអ្នកក៏ត្រូវសំអាតខ្លួនឯងឲ្យស្អាតផង ដើម្បីជៀសវាងប៉ះពាល់ដល់គេឯង។
៦) មានសំលៀកបំពាក់ចម្លែកនិងមិនសមរម្យ៖ ជាការពិតណាស់សម្រាប់ American Airlines ពួកគេមានសិទ្ធិក្នុងការបណ្ដេញភ្ញៀវណាដែល មានសំលៀកបំពាក់មិនសមរម្យឬមួយក៏ អាក្រក់ខ្លាំងពេក ចំពោះមនុស្សជុំវិញខ្លួន។
៧) មានជំងឺ
ប្រាកដណាស់ អ្នកមិនអាចលាក់បាំងអ្នកធ្វើការក្នុងយន្តហោះបានទេ ថាអ្នកគ្មានជំងឺនោះ។ ពេលមានជំងឺ វាមិនមែនជារឿងល្អទេ ដែលត្រូវនៅជិតមនុស្សជាច្រើន និងមានទីកន្លែងចង្អៀតបែបនេះនោះ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ lifehacker
