សារប្រយោជន៍ នៅពីក្រោយការគិតច្រើនរបស់មនុស្សម្នាក់ៗ គឺមិនមែនអន់ទេ! ៦ ចំណុចនេះដែលអ្នកត្រូវដឹង
តាមពិតទៅការគិតច្រើន ពេលខ្លះក៏វានាំប្រយោជន៍ល្អមកដល់អ្នកដែរ។ ទោះបីវាប៉ះពាល់អារម្មណ៍ឬសុខភាពខ្លាំងបន្តិចមែន តែបើអ្នកចេះធ្វើឲ្យខ្លួនឯងគិតកុំឲ្យលើសលប់ពេកនោះ គឺវាមិនសូវជាប៉ះពាល់អ្វីនោះទេ។ តើមានសារប្រយោជន៍អ្វីខ្លះនៅពីក្រោយការគិតច្រើននោះ?
១) បង្កើតគំនិតច្នៃប្រឌិត
យោងតាមការស្រាវជ្រាវរបស់សាកលវិទ្យាល័យ King's college នៅចក្រភពអង់គ្លេស បានបង្ហាញថា៖ « អ្នកដែលគិតច្រើន ហើយវិលវល់នឹងរឿងមួយយូរនោះ គឺភាគច្រើនពួកគេមានគំនិតច្នៃប្រឌិតណាស់។» នេះដោយសារតែពួកគេចូលចិត្ត ស្វែងរកអត្ថន័យនៃជីវិត ហើយមានការស្រមើស្រមៃខ្ពស់។
២) អាចដោះស្រាយបញ្ហាបានលឿន
ពួកគេមានសមត្ថភាពក្នុងការដោះស្រាយបញ្ហា ជាពិសេសគិតឃើញដំណោះស្រាយមុនពេលបញ្ហាមកដល់ទៀតផង។
៣) ដឹងថាអនាគតគឺមានអ្វីកើតឡើង
មិនមែនបានន័យថា អ្នកគិតច្រើនគឺសុទ្ធតែជាគ្រូទាយនោះទេ ។ តែមកពីពួកគេអាចប្រើប្រាស់ចំណេះដឹងដែលពួកគេមាន ទាយពីអ្វីដែលនឹងកើតឡើងនៅថ្ងៃមុខ។
៤) រៀនឆាប់ចេះណាស់
ពួកគេតែងតែដឹងថាអ្នកដទៃ ចង់បានអ្វីពីខ្លួន។ ដូចនេះពួកគេនឹងត្រៀមខ្លួនរួចជាស្រេចដើម្បីបង្ហាញពីភាពល្អឥតខ្ចោះរបស់ខ្លួនដល់អ្នកដទៃ។
៥) តែងតែត្រៀមខ្លួនរួចជាស្រេច
ដោយសារតែពួកគេអាចគិតនិងដឹងថាអ្វីទៅ អាចកើតមាននៅថ្ងៃខាងមុខ ពួកគេនឹងរៀបចំខ្លួនត្រៀមរួចជាស្រេច។
៦) តែងតែសម្រេចចិត្តបានល្អ
ពួកគេដឹងថា តើការសម្រេចចិត្តមួយ អាចមានផលលំបាកនិង គុណប្រយោជន៍អ្វីខ្លះ។ នេះដោយសារតែការវិនិច្ឆ័យ និងការថ្លឹងថ្លែងមិនចេះចប់មិនចេះហើយ ទើបធ្វើឲ្យពួកគេសម្រេចចិត្តធ្វើអ្វីមួយបានត្រឹមត្រូវតែម្ដង៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ voolas
