រឿងទាំងនេះដែលអ្នកគួរតែឈប់រំពឹងពីអ្នកដទៃ !!!
ជាការពិតណាស់ មួយថ្ងៃៗអ្នកអាចនឹងមានក្ដីរំពឹងលើនរណាម្នាក់ ដោយក្នុងមូលហេតុសមស្របណាមួយ។ តែអ្នក ក៏ត្រូវតែដឹងដែរថា អ្វីខ្លះអ្នកគួរតែរំពឹង និងមិនគួររំពឹងពីពួកគេ។ ព្រោះថាក្ដីរំពឹងទាំងអស់ គឺមិនមែនបានមកទាំងអស់សម្រាប់អ្នកឡើយ។ តើមានរឿងអ្វីខ្លះដែលអ្នកមិនគួររំពឹងពីគេ?
១) កុំព្យាយាមគិតថាអ្នកដទៃធ្វើអ្វីល្អឥតខ្ចោះនោះ៖ មនុស្សមិនអាចធ្វើអ្វីបានល្អឥតខ្ចោះឡើយ ហើយបើអ្នកតែងតែរំពឹងរឿងរ៉ាវល្អឥតខ្ចោះ អ្នកនឹងកាន់តែមានអារម្មណ៍មិនល្អដោយសារពួកគេ ព្រោះអីអ្នកមិនទទួលបាននូវការរំពឹងទុកទាំងនោះផង។
២) កុំព្យាយាមរំពឹងថា មនុស្សគ្រប់គ្នាស្របតាមអ្នក៖ ទោះបីជាមិត្តភ័ក្ដិជិតស្និទ្ធអ្នកយ៉ាងណាក្ដី ក៏ពួកគេគង់តែមិនស្របគំនិតតាមអ្នកដដែលហ្នឹង។ អ្នកត្រូវគិតថា មនុស្សម្នាក់ៗមានគំនិតគិតផ្សេងគ្នា ហើយបើអ្នកចង់ឲ្យគេមកគិតតាមអ្នកតែម្នាក់គឺមិនកើតទេ។
៣) កុំរំពឹងថាអ្នកដទៃអាចមកយល់ពីអារម្មណ៍អ្នកបាន៖ មនុស្សគឺមិនដូចគ្នាទេ អ្នកខ្លះអាចដឹងថាអ្នកកំពុងគិតអី ខណៈអ្នកខ្លះវិញគឺមិនយល់សូម្បីបន្តិច។ ដូចនេះបើអ្នកកំពុងតែគិតអ្វីមួយ អ្នកត្រូវតែបង្ហាញវាឲ្យបានច្បាស់ចេញមក ទើបអ្នកដទៃ មិនអាចយល់ច្រឡំបាន។
៤) កុំរំពឹងថា គេនឹងធ្វើអ្វីល្អមកអ្នកដូចអ្នកបានធ្វើល្អទៅគេនោះ៖ គ្មានមនុស្សណាដែលមកប្រព្រឹត្ត ទង្វើល្អមកអ្នក ហើយធ្វើឲ្យខ្លួនឯងលំបាកនោះទេ។ សារជាតិជាមនុស្សគឺត្រូវការតែភាពស្រណុកសុខស្រួលសម្រាប់តែខ្លួនឯងប៉ុណ្ណោះ។ ដូចនេះគេនឹងមិនមកធ្វើល្អដាក់អ្នក ដោយសារតែនឹកឃើញទង្វើល្អៗរបស់អ្នកបន្តិចបន្តួចហ្នឹងទេ។
៥) កុំរំពឹងថាពួកគេផ្ដល់ការស្រឡាញ់ដល់អ្នកមុនគេនោះ៖ បើអ្នកមិនបង្ហាញការស្រឡាញ់ ថ្នាក់ថ្នមលើនរណាម្នាក់មុនទេ ពួកគេនឹងមិនចំណាយពេលមកបង្ហាញការស្រឡាញ់លើអ្នកឡើយ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ power of positivity
