អនាគតវាសំខាន់មែន តែសំអាងលើហេតុផលទាំងនេះអ្នកក៏មិនត្រូវខ្វល់ខ្លាំងហួសហេតុពេកដែរ
រៀងរាល់ថ្ងៃនេះ បើកអ្នកហ៊ានតែបើកសិទ្ធិឲ្យខ្លួនឯងខ្វាយខ្វល់អនាគតខ្លាំងពេក អ្នកអាចមានបញ្ហាសុខភាពភ្លាម ព្រោះថា រឿងដែលត្រូវខ្វល់គឺវាច្រើនពេក។ ហេតុនេះទើបមាន ហេតុផលមួយចំនួនដែលអ្នកត្រូវដឹង ថា អ្នកមិនគួរណាចំណាយពេលខ្វាយខ្វល់នឹងរឿងអនាគតច្រើនពេកទេ។ ហេតុផលនោះរួមមាន៖
១) បារម្ភច្រើនពេកនឹងធ្វើឲ្យបច្ចុប្បន្នកាលអ្នកមិនជោគជ័យ៖ ការបារម្ភភ័យព្រួយពីអនាគតច្រើនពេក នឹងធ្វើឲ្យអ្នកបាត់បង់អ្វីដែលអ្នកកំពុងមានក្នុងពេលបច្ចុប្បន្ន។ តាមពិតទៅអនាគតគឺមិនទាន់មកដល់ទេ តែហេតុអីអ្នកចាំបាច់ខ្វល់ច្រើនម្ល៉េះ? រឿងអនាគត មិនទាន់មកដល់ ឯរឿងអតីតកាលក៏កន្លងផុតទៀត ហើយអ្វីដែលអ្នកគួរផ្ដោតជាងគេនោះគឺគួរតែបច្ចុប្បន្នកាលទើបត្រូវ។
២) បារម្ភច្រើនពេកគឺមិនអាចទាយដឹងពីអនាគតទេ៖ មនុស្សម្នាក់ៗ គឺមិនអាចមានសមត្ថភាពខ្លាំងដល់ថ្នាក់ទាយពីអតីតកាលដឹងនោះទេ។ រឿងវាប្រែប្រួល ហើយផ្លាស់ប្ដូរសឹងមិន គួរឲ្យជឿ។ ដូចនេះបើអ្នកបារម្ភច្រើនពេក អ្នកក៏នៅតែមិនអាចទាយដឹងថា អនាគតយ៉ាងណាដែរ។ ពេលដែលវាមកដល់ ពេលនោះហើយទើបអ្នកអាចដឹង។
៣) បារម្ភពេកបាត់បង់ការប្រមូលអារម្មណ៍៖ មនុស្សដែលរស់នៅដោយខ្វះការផ្ដោតអារម្មណ៍ ទោះបីជាធ្វើអ្វីក៏មិនជោគជ័យដែរ។ ហេតុនេះទើបគេមិនចង់ឲ្យអ្នករាល់គ្នា ព្រួយ និងគិតច្រើនពីពេលអនាគត ព្រោះថា វាមិនបាននាំអ្នកទៅរកអ្វីដែលពិតប្រាកដនោះទេ។ អ្វីគ្រប់យ៉ាងគឺគ្រាន់តែជាការស្រមៃរបស់ខ្លួនតែប៉ុណ្ណោះ។
៤) បារម្ភច្រើនពេកធ្វើឲ្យអ្នកជ្រើសរើសអ្វីក៏ខុស៖ មនុស្សមានការព្រួយបារម្ភច្រើន គឺពិបាកបំផុតក្នុងការជ្រើសរើសផ្លូវដើរ។ ហើយបើអ្នកពិបាកក្នុងការជ្រើសរើសផ្លូវដើរហើយនោះ តើអ្នកចង់ទៅពឹងគេឲ្យជួយនាំអ្នកដើរតើមែនទេ? តើអ្នកទុកចិត្តបានទេ ថាតើគេអាចមកដឹកនាំអ្នកដើរទៅកាន់ផ្លូវល្អឬក៏មិនល្អ?
ប្រែសម្រួល៖ ព្រំ សុវណ្ណកណ្ណិកា ប្រភព៖ planetofsuccess
