បើទោះបីជួបស្ថានភាពអាក្រក់យ៉ាងណាក្តី បើអ្នកមានក្តីសង្ឃឹម ជីវិតនឹងស្រស់បំពងឡើងវិញជាមិនខាន
ជីវិតមិនមែន មានន័យថា មនុស្សល្អនឹងមិនជួបផលលំបាកនោះទេ ឬដឹងតែថា សប្បាយចិត្តរហូតនោះទេ។ បើទោះជាអ្នកជាមនុស្សល្អឬអាក្រក់ក៏ដោយ បញ្ហានិងឧបសគ្គនៅតែដើរតាមជីវិតរបស់បុគ្គលម្នាក់ៗជានិច្ច។ ជីវិតមនុស្សម្នាក់ៗ ពោរពេញទៅដោយឧបសគ្គដែលត្រូវជម្នះឬដោះស្រាយបើមិនដូច្នោះទេជីវិតនឹងជាប់ផុងជ្រៅទៅៗជាមិនខាន។ ប៉ុន្តែ ប្រសិនជាអ្នកនៅមានសង្ឃឹម ទោះបីជាអ្នកស្ថិតនៅស្ថានភាពលំបាកយ៉ាងណាក្តី អ្នកនឹងអាចបន្តដំណើរទៅមុខបាន។ តើសង្ឃឹមទាំងនោះអាចកើតចេញតាមរបៀបណា៖
១) ត្រឡប់ទៅរឿងអតីត៖ ប្រសិនជាមានពេលមួយអ្នកគិតថា ជីវិតបច្ចុប្បន្នរបស់អ្នកគ្មានអ្វីសោះមានតែក្តីឈឺចាប់ អ្នកគួរតែត្រឡប់ទៅអតីតកាល។ ការត្រឡប់ទៅអតីតកាលវាជួយឲ្យអ្នកគិតឃើញដល់ពេលសប្បាយ (Good times) និងស្នាដៃដែលធ្លាប់មាន។ វាជួយឲ្យអ្នកមានកម្លាំងចិត្តឡើងវិញ។
២) អានសៀវភៅឬអានជីវប្រវត្តិរបស់បុគ្គលជោគជ័យ៖ នៅពេលដែលអ្នកគិតថា ខ្លួនឯងអន់ គ្មានសមត្ថភាពឬអស់សង្ឃឹមក្នុងជីវិត អ្នកអាចអានសៀវភៅ ឬអានជីវប្រវត្តិរបស់បុគ្គលជោគជ័យ។ ជាការពិតណាស់ ទម្រាំតែបុគ្គលជោគជ័យទទួលបានភាពជោគជ័យឬក្លាយជាមហាសេដ្ឋីបាននោះ ពួកគាត់ឆ្លងកាត់ឧបសគ្គរាប់មិនអស់។ ដូច្នេះហើយ វានឹងជំរុញទឹកចិត្តឲ្យខំប្រឹងឡើយវិញ។ អ្នកត្រូវចាំថា ៖«បើអ្នកដទៃអាចឆ្លងកាត់ឧបសគ្គបាន អ្នកក៏អាចធ្វើបានដូចគ្នា»។
៣) និយាយគ្នាជាមួយមិត្តភក្ដិ៖ ទម្រាំតែបានដើរមកដល់ថ្ងៃនេះ មនុស្សម្នាក់ៗសុទ្ធតែធ្លាប់ឆ្លងកាត់រឿងរ៉ាងជាច្រើន។ ប្រសិនជាអ្នកមានបញ្ហា ឬឧបសគ្គ អ្នកអាចសាកចែករំលែកទៅកាន់មិត្តដែលអ្នកអាចទុកចិត្តបាន ពីព្រោះថា គាត់អាចនឹងធ្លាប់ឆ្លងកាត់និងអាចផ្តល់ដំបូន្មានឬយោបល់ល្អៗដល់អ្នកបាន។
បើពិបាកចិត្ត ឬមិនសប្បាយចិត្ត កុំទុកក្នុងចិត្តតែម្នាក់ឯង។ ចែករំលែកទៅកាន់មិត្តព្រោះគេអាចជួយគិត ដូចសុភាសិតមួយពោលថា៖«ខួរក្បាល២ប្រសើរជាងខួរក្បាល១»៕
ប្រែសម្រួល៖ អុឹង មុយយូ ប្រភព៖ www.thoughtcatalog.com
