ការស្រាវជ្រាវពីសាកលវិទ្យាល័យ Harvard ៖«កូនដែលមានម្ដាយជាអ្នកធ្វើការ ធំឡើងតែងជោគជ័យនឹងការងារហើយបានប្រាក់ខែខ្ពស់»
«កូនដែលធំធាត់ឡើងមានម្ដាយជាអ្នកធ្វើការ ភាគច្រើនធំឡើងជោគជ័យនឹងការងារ មានប្រាក់ខែខ្ពស់ ហើយមានឋានៈធំជាង កូនដែលមានម្ដាយត្រឹមតែជាមេផ្ទះ» នេះបើយោងតាមការស្រាវជ្រាវមួយរបស់សាកលវិទ្យាល័យដ៏ល្បីឈ្មោះ Harvard នៅសហរដ្ឋអាមេរិក។
ហេតុផលដែលជំរុញទឹកចិត្តឲ្យកូនៗ ធំឡើងទទួលបានការងារល្អពេលឃើញម្ដាយធ្វើការ គឺដោយសារតែកូនៗភាគច្រើនគឺជិតស្និទ្ធនឹងម្ដាយជាងឪពុក។ ហើយម្ដាយគឺជាស្រ្ដីទន់ខ្សោយ ដោយភាគច្រើន ម្ដាយគឺមិនសូវជាមានឱកាសបានធ្វើការនោះទេ ដោយពួកគាត់មានកាតព្វកិច្ចជាស្រ្ដីមេផ្ទះ។
ពេលដែលកូនៗ បានឃើញការខិតខំរបស់ម្ដាយ ក្នុងការស្វែងរកលុយ កូនៗ គឺទទួលបានអារម្មណ៍មួយចង់ធ្វើការដើម្បីចិញ្ចឹមពួកគាត់វិញ។ ហេតុនេះបើប្រៀបធៀបកូនៗដែលមានម្ដាយជាអ្នកធ្វើការនិងមានម្ដាយជាស្រ្ដីមេផ្ទះ អ្នកដែលមានម្ដាយជាអ្នកធ្វើការគឺភាគច្រើនទទួលបានការងារល្អ ជោគជ័យនិងមានប្រាក់ខែខ្ពស់ជាង៕
ប្រែសម្រួល៖ ព្រំ សុវណ្ណកណ្ណិកា ប្រភព៖ forbes
