បទពិសោធន៍ និង ចំណេះដឹងខ្លះៗ ដែលអ្នកគួររៀនពីអ្នកជំនួញល្បីៗទូទាំងពិភពលោក
តើអ្នកមានមហិច្ឆតាចង់ក្លាយជាអ្នកជំនួញជោគជ័យដែរឬទេ? ចំពោះអ្នកដែលមានអាជីវកម្មខ្លួនឯងស្រាប់តែហាក់ដូចជាមិនសូវជោគជ័យ អ្នកមិនគួរបោះបង់វាចោលត្រឹមហ្នឹងទេ។ អ្វីដែលអ្នកគួរធ្វើគឺគួរចំណាយពេលសិក្សាពីគន្លឹះខ្លះៗ ដែលអ្នកជំនួញល្បីៗទូទាំងពិភពលោកបានផ្ដល់ឲ្យអ្នកដឹង។ ក្នុងនោះមាន៖ ១) លោក Milton Hershey ៖ លោក Hersheyធ្លាប់បង្កើតក្រុមហ៊ុនលក់ស្ករគ្រាប់ចំនួន៣កន្លែង ហើយគ្មានកន្លែងណាជោគជ័យទេ។ បន្ទាប់មកលោកមានគំនិតថ្មី បើកហាង លក់Caramel ដាច់ជាងគេ ហើយគំនិតបន្ទាប់គឺបង្កើតសូកូឡាដ៏ល្បី មកដល់សព្វថ្ងៃនេះ ដែលមានម៉ាកឈ្មោះថា Hersheyនេះឯង។
២) លោក Todd Graves ៖ លោកធ្លាប់រៀនធ្លាក់ ហើយការងារមិនតិចឡើយដែលលោកបានដាក់ធ្វើតែមិនជាប់។ តែលោកមិនបោះបង់ចោលឡើយ លោកខំប្រឹងធ្វើការ ៩០ម៉ោងក្នុងមួយអាទិត្យ ដើម្បីបានដើមទុន ចាប់ផ្ដើមរកស៊ីជោគជ័យខ្លាំងមកដល់សព្វថ្ងៃ។ បច្ចុប្បន្នលោកជា ស្ថាបនិកភោជនីយដ្ឋានRaising Cane's Chicken Fingers។
៣) លោក Earl Silas Tupper ៖ លោកធ្លាប់បិទអាជីវកម្មចោលម្ដងហើយដោយសារតែក្ស័យធន។ បន្ទាប់មកលោកបានជាប់ទៅធ្វើការឲ្យក្រុមហ៊ុនមួយ។ លោកតស៊ូទាល់តែបានបង្កើតក្រុមហ៊ុន លក់សម្ភារៈក្នុងផ្ទះម៉ាក Tupperwade ដ៏ល្បីមួយនៅអាមេរិក ។
៤) លោក Nick Woodman ៖ លោកធ្លាប់ចេញរកស៊ីបាន២ដង ហើយវាបរាជ័យទាំង២លើក។ លោកក៏ត្រលប់ទៅរស់នៅជាមួយឪពុកម្ដាយ ហើយខិតខំខ្លាំងក្នុងការស្រាវជ្រាវអ្វីដែលលោកកំពុងចាប់អារម្មណ៍។ ជំនួញលើកនេះគឺជោគជ័យខ្លាំង ដោយសាររលោកបានរកឃើញកាមេរ៉ាតូចល្អិតតែមានគុណភាពល្អមួយ ឈ្មោះថា GoPro ៕
ប្រែសម្រួល៖ព្រំ សុវណ្ណកណ្ណិកា
ប្រភព៖ lifehack
