បើគេដៀលថា «មនុស្សអន់ចរិត» ត្រូវធ្វើដូចម្តេច?
គ្មានអ្វីដែលប្រសើរជាង មានអត្តចរិតល្អនោះទេ។ មនុស្សយើងម្នាក់ៗតែងតែចូលចិត្តប្រភេទមនុស្សខុសៗគ្នា។ ដូច្នេះហើយ គន្លឹះដែលអ្នកអាចធានាថាអ្នកនឹងត្រូវបានគេចូលចិត្តគឺកសាងអត្តចរិតល្អមួយ។ ខាងក្រោមនេះជាគន្លឹះដែលអាចទាក់ទាញមនុស្សបានគ្រប់ប្រភេទ៖
១) រក្សានូវភាពរីករាយ៖ ព្យាយាមពេញចិត្តនូវអ្វីដែលអ្នកមាន។ សើចសប្បាយជាមួយអ្នកដទៃ ប៉ុន្តែមិនមែនសើចចំអកនោះទេ។ មនុស្សរាល់គ្នាស្រឡាញ់ចូលចិត្តមនុស្សដែលរីករាយ។ ញញឹមឬសើចគឺជាផ្នែកមួយនៃអត្តចរិតល្អ។
២) រក្សាអារម្មណ៍ស្ងប់ស្ងាត់នៅក្នុងស្ថានភាពតានតឹង៖ មនុស្សជាច្រើនពេលស្ថិតនៅស្ថានភាពតានតឹង ពួកគាត់មិនអាចគ្រប់គ្រងអារម្មណ៍ខ្លួនឯងបានទេ។ ពួកគេស្តីបន្ទោសឲ្យអ្នកដទៃ។ល។ កុំធ្វើមនុស្សប្រភេទនេះឲ្យសោះ។ ប្រសិនមានបញ្ហាកើតឡើយ រក្សាអារម្មណ៍ឲ្យស្ងប់រួចរកដំណោះស្រាយ។
៣) បើកចិត្តឲ្យទូលាយ៖ ផ្នែកមួយនៃការមានអត្តចរិតល្អគឺអ្នកពេញចិត្តនឹងធ្វើការផ្លាស់ប្តូរ។ អ្នកស្ដាប់គំនិតអ្នកដទៃ រួចអ្នកគិត ហើយពេញចិត្តនឹងផ្លាស់ប្តូរ។ ម៉្យាងវិញទៀត កុំវាយតម្លៃអ្នកដទៃដោយសារតែពួកគេមានអត្តចរិតខុសពីអ្នក។
៤) ស្មោះត្រង់៖ កុំក្បត់នឹងមនុស្សដែលជិតស្និទ្ធនឹងអ្នកឲ្យសោះ។ ពួកគេនឹងកាន់តែស្រឡាញ់អ្នកប្រសិនជាអ្នករក្សាភាពស្មោះត្រង់ជាមួយពួកគេ៕
ប្រែសម្រួល៖ អឺុង មុយយូ
ប្រភព៖ www.wikihow.com
