សារៈសំខាន់នៃការនិយាយសាធារណៈ( public speaking)មកលើជីវិតប្រចាំថ្ងៃរបស់អ្នក
តើអ្នកធ្លាប់ដឹងពីសារៈសំខាន់នៃការនិយាយសាធារណៈ( public speaking)ដែរឬទេ? តើអ្នកធ្លាប់ដឹងថាការនិយាយសាធារណៈមានការជះឥទ្ធិពលមកលើជីវិតប្រចាំថ្ងៃរបស់អ្នកដែរឬទេ? តើអ្នកធ្លាប់ដឹងថាជំនាញនិយាយមួយនេះអាចជួយអ្នកជោគជ័យក្នុងអាជីពការងារដែរឬទេ? ខាងក្រោមនេះសុទ្ធតែជាសារៈសំខាន់នៃការនិយាយសាធារណៈ៖
១) ជម្នះនូវភាពភ័យខ្លាចនិងមានទំនុកចិត្តជាងមុន៖ តាមការសិក្សាបានរកឃើញថាភាពភ័យខ្លាចទីមួយរបស់មនុស្សគឺការនិយាយបែបសាធារណៈ នេះមានន័យថាមនុស្សជាច្រើនមានភាពភ័យខ្លាចនៅពេលនិយាយ។ ប៉ុន្តែ ប្រសិនជាអ្នកមានចំណេះដឹងគ្រប់គ្រាន់ពីប្រធានបទដែលអ្នកត្រូវនិយាយហើយអនុវត្ត វានឹងជួយកាន់បន្ថយភាពភ័យខ្លាចរបស់អ្នក។ ដូច្នេះហើយ ប្រសិនជាអ្នកអាចគ្រប់គ្រងខ្លួនឯងបាន អ្នកមិនត្រឹមតែកាន់បន្ថយនូវភាពភ័យខ្លាចនោះទេ ថែមទាំងមានទំនុកចិត្តជាងមុនទៀតផង។
២) ជំនាញទំនាក់ទំនង(Communication) ល្អប្រសើរជាងមុន៖ គ្មានអ្វីដែលធ្វើឲ្យអ្នកតឹងចិត្តជាងការផ្ទេរព័ត៌មានទៅកាន់អ្នកដទៃហើយគេមិនយល់នោះទេ។ តើវាមកពីអ្វីទៅ? នោះដោយសារតែអ្នកមិនទាន់ចេះពីរបៀបទំនាក់ទំនង។ ការនិយាយសាធារណៈគឺជាទម្រង់មួយនៃការទំនាក់ទំនង។ ប្រសិនជាអ្នកកាន់តែប្រឡូកនឹងការនិយាយសាធារណៈ អ្នកក៏ពង្រឹងជំនាញទំនាក់ទំនងដែរ។
៣) ជួយដល់ការងារ៖ ជំនាញទំនាក់ទំនងនិងទំនុកចិត្តដែលអ្នករៀនតាមរយៈការនិយាយសាធារណៈអាចជួយដល់ការងាររបស់អ្នក។ ប្រសិនជាអ្នកទៅធ្វើការសម្ភារការងារ វាជួយឲ្យអ្នកពន្យល់ឬរៀបរាប់ខ្លួនឯងបានល្អ ដែលជួយឲ្យអ្នកទទួលបានការងារ។ ដូច្នេះហើយ ប្រសិនជាអ្នកមានឱកាសបង្កើនជំនាញនៃការនិយាយ សូមកុំបោះបង់ចោលនូវឥកាសនោះឲ្យសោះ។ ដូចដែលអ្នកបានឃើញហើយពីសារៈសំខាន់នៃការនិយាយ៕
ប្រែសម្រួល៖ អុឹង មុយយូ ប្រភព៖ hubpages.com
