ហេតុផល៣យ៉ាងបញ្ជាក់ថា អ្នកគួរនៅម្នាក់ឯងប្រសើរជាងនៅជាមួយមនុស្សខុស
តើអ្នកធ្លាប់មានស្នេហាជាមួយមនុស្សដែលអ្នកគិតថាពួកគេមិនស័ក្តិសមនឹងក្តីស្រឡាញ់របស់អ្នកដែរឬទេ? មនុស្សនៅក្បែរខ្លួនអ្នកគិតថាអ្នកសប្បាយចិត្តខ្លាំងណាស់ព្រោះអ្នកមានស្នេហា តាមការពិតទៅអ្នកដឹងថាស្នេហាមួយនេះមិនសូវល្អប៉ុណ្ណាទេ។ អ្នកប្រហែលជាខ្លាចនៅម្នាក់ឯង។ ប៉ុន្តែ ខាងក្រោមនេះជាហេតុផលដែលបញ្ជាក់ថានៅម្នាក់ឯងក៏មិនមែនជារឿងអាក្រក់ដែរ ប្រសើរជាងនៅជាមួយមនុស្សខុស៖
១) មិនខ្ជះខ្ជាយថាមពល៖ ស្នេហាដែលល្អគឺជាអ្វីដែលអស្ចារ្យបំផុត។ ប៉ុន្តែ ប្រសិនជាអ្នកនៅជាមួយមនុស្សដែលមិនស័ក្តិសមអ្នក ថាមពលដែលអ្នកខំប្រឹងដើម្បីស្នេហាមួយនេះគឺគ្មានន័យអ្វីទាំងអស់។ មិនថាអ្នកខំប្រឹងយ៉ាងណា គេមិនដែលមើលឃើញឡើយ។
២) មិនស្ដាយក្រោយនូវពេលវេលាដែលអ្នកបានចំណាយ៖ មុននិងក្រោយទេ អ្នកនឹងស្តាយក្រោយនូវពេលវេលាដែលអ្នកបានចំណាយជាមួយដែលមិនស័ក្តិសមទាល់តែសោះ។ អ្នកនឹងគិតថាប្រសិនជាអ្នកយកពេលនោះទៅធ្វើអ្វីផ្សេង ប្រហែលជាល្អជាង។
៣) អ្នកស័ក្តិសមនៅជាមួយមនុស្សដែលឲ្យតម្លៃអ្នក៖ អ្នកស័ក្តិសមនៅជាមួយមនុស្សដែលឲ្យតម្លៃអ្នក។ អ្នកស័ក្តិសមនៅជាមួយមនុស្សដែលគាំទ្រអ្នក លើកទឹកចិត្តអ្នក និង ផ្តល់ដំបូន្មានដល់អ្នក។ ការរស់នៅជាមួយមនុស្សដែលល្អគឺជារឿងអស្ចារ្យដែលអាចកើតមានលើអ្នក។ ដូច្នេះហើយ ប្រសិនជាអ្នករកមិនឃើញមនុស្សពិសេសនេះទេ នៅម្នាក់ឯងអាចជារឿងល្អជាងនៅជាមួយមនុស្សដែលនាំការឈឺចាប់ដល់អ្នក៕
ប្រែសម្រួល៖ អុឹង មុយយូ ប្រភព៖ www.lifeadvancer.com
