តើធ្វើយ៉ាងណាទើបដឹងថា ម្នាក់ហ្នឹងជាតួច្រណែននឹងអ្នក?
ការច្រណែនឈ្នានីស ពេលខ្លះដឹកនាំ មនុស្សទៅធ្វើទង្វើមិនល្អបាន។ ហេតុនេះ ដើម្បីភៀសខ្លួនឯង ឲ្យចាកឆ្ងាយពីមនុស្សចូលចិត្តច្រណែនគេ បាន គប្បីរៀនសង្កេតមើសិនថាតើគេជាមនុស្ស ច្រណែនអ្នកដែរឬអត់?
១) រិះគន់តែស្ដាប់ទៅដូចលាយនឹងភាពស្អប់៖ ជាការពិតណាស់ មនុស្សមួយចំនួនតែរិះគន់អ្នក ក្នុងន័យស្ថាបនា តែបើការរិះគន់វាហាក់ដូចជាលាយឡំនឹងភាពស្ងប់គុំកួន វាជាសញ្ញានៃការច្រណែនទៅវិញទេ។ មនុស្សល្អតែងរិះគន់អ្នកស្ងាត់ៗ តែមនុស្សច្រណែនអ្នកតែងរិះគន់នៅមុខមហាជនតែម្ដង។
២) លួចនិយាយដើមក្រោយខ្នង៖ ការនិយាយដើមគេនេះ គឺជាសញ្ញានៃការច្រណែនដល់កំពូលតែម្ដង។ មនុស្សច្រណែនអ្នក តែងតែនិយាយរឿងមិនល្អ ទៅប្រាប់អ្នកដទៃ ដើម្បីឲ្យគេស្អប់ដែរ។ មនុស្សបែបនេះ មិនសូវហ៊ាននិយាយឲ្យអ្នកដឹងទេ តែបើអ្នកមិននៅ វិញ គេហែកកេរ្តិ៍អស់តែម្ដង។
៣) តែងតែចង់ជាន់ពន្លិចអ្នក៖ មនុស្សច្រណែនគេ រិះរកវិធីគ្រប់យ៉ាង ដើម្បីបំបាត់តម្លៃគេ។ ហេតុនេះ ការជាន់ពន្លិច អ្នកគឺជាអ្វីដែលមនុស្សច្រណែនគេតែងតែចង់ធ្វើ ព្រោះថា គេមិនចង់នៅពីក្រោមអ្នកឡើយ។
៤) មិនដែលអបអរពេលអ្នកជោគជ័យសោះ៖ ភាពជោគជ័យអ្នកគឺជាអ្វីដែលមនុស្យច្រណែនគេ មិនចង់ឃើញទាល់តែសោះ។ ពេលអ្នកជោគជ័យ វាប្រៀបបាន ទៅនឹងបន្លាមួយ ចាក់ដោតទ្រូងគេអ៊ីចឹង។ ដូចនេះដើម្បីសង្កេតមើលថា គេច្រណែនអ្នកអត់ អ្នកគួរមើលថាតើគេតែងអបអរនឹងជោគជ័យអ្នកម្ដងណាដែរអត់?
ប្រែសម្រួល៖ ព្រំ សុវណ្ណកណ្ណិកា ប្រភព៖ 2knowmyself
