ហេតុផល៣យ៉ាង បញ្ជាក់ ការបណ្ដុះទម្លាប់ល្អ សំខាន់ជាងការទទួលបានកម្លាំងចិត្តទៅទៀត
មនុស្សមួយចំនួន នៅពេលដែលជួបការបរាជ័យជាលើកដំបូង ពួកគាត់តែងតែបោះបង់ដោយមិនព្យាយាមម្តងទៀតនោះទេ។ ទោះបីជាកម្លាំងចិត្តពិតជាអាចជំរុញមនុស្សឲ្យបន្តដំណើរទៅមុខ តែវាមិនដូចទម្លាប់ប្រចាំថ្ងៃនោះទេ។ ខាងក្រោមនេះជាហេតុផល៖
១) កម្លាំងចិត្តជួយបានតែមួយពេលប៉ុណ្ណោះ ៖ កម្លាំងចិត្តអាចជួយសម្រេចកិច្ចការដែលអ្នកមិនចូលចិត្តបានមួយឬពីរតែប៉ុណ្ណោះ។ វាជម្រុះទឹកចិត្តបានរយៈ ពេលខ្លី។ អ្នកនៅតែមិនសប្បាយចិត្ត។
២) កម្លាំងចិត្តនៅមានកំណត់៖ គេនិយាយថា«ការចង់បាន ទឹកចិត្ត ឬបំណងប្រាថ្នា ទើបជាសាច់ដុំឬកម្លាំងពិតប្រាកដ ហើយវាអាចបណ្ដុះបណ្ដាលបាន។» ក៏ប៉ុន្តែ វាក៏អាចធុញទ្រាន់និងហត់នឿយដូចគ្នា។ ប្រសិនជាអ្នកធ្វើនូវអ្វីដែលអ្នកមិនចូលចិត្ត កម្លាំងចិត្តក៏មិនអាចជួយអ្នកបានច្រើនដែរ។ ប៉ុន្តែបើអ្នកព្យាយាមបណ្តុះទម្លាប់ល្អៗ ជាពិសេសពាក់ព័ន្ធនឹងអ្វីដែលអ្នកចូលចិត្តវិញ នោះអ្នកនឹងធ្វើការងារបានយ៉ាងល្អ និង ថ្និកដៃ។
៣) យើងគិតថាអ្នកអាចទទួលបានលទ្ធផលដោយពុំចាំបាច់ខំប្រឹងខ្លាំង៖ ហេតុអ្វីបានជាមនុស្សខ្វាយខ្វល់ពីរឿងកម្លាំងចិត្តខ្លាំងដល់ថ្នាក់នេះ? ពីព្រោះមនុស្សចង់ឆ្ពោះទៅកាន់គោលដៅ មិនថាជួបការលំបាកប៉ុណ្ណា។ មនុស្សចង់ធ្វើតែអ្វីដែលខ្លួនចង់ធ្វើ តែមិនដឹងថាទម្លាប់ប្រចាំថ្ងៃនោះទេដែលជំរុញអ្នកដើរទៅដល់គោលដៅ។ ទម្លាប់ប្រចាំថ្ងៃក៏មានពេលខ្លះទាមទារអ្នកធ្វើនូវអ្វីដែលអ្នកមិនចូលចិត្ត៕
ប្រែសម្រួល៖ អុឹង មុយយូ ប្រភព៖ www.lifehack.org
