តើធ្វើដូចម្តេចដើម្បីស្វែងរកអ្វីដែលអ្នកពេញចិត្តក្នុងជីវិត?
យើងទាំងអស់គ្នាប្រហែលធ្លាប់ឮឃ្លាមួយនេះហើយ៖« ធ្វើតាមចំណង់ចំណូលចិត្តរបស់អ្នក សម្រេចក្តីសុបិនទើបជីវិតមានន័យ»។ យើងចេះតែធ្វើការឲ្យអ្នកដទៃទាំងខ្លួនឯងមិនពេញចិត្ត។ ចុះតើធ្វើដូចម្ដេចទើបដឹងថាអ្នកធ្វើអ្វីដែលអ្នកចូលចិត្តទៅ? ប្រសិនជាអ្នកនៅតែមិនទាន់ច្បាស់ថាអ្វីដែលអ្នកធ្វើបច្ចុប្បន្នកំពុងតែនាំអ្នកទៅរកក្តីសុបិន គន្លឹះខាងក្រោមនេះនឹងជួយអ្នក៖
១) រកកន្លែងស្ងប់ស្ងាត់៖ រកកន្លែងមួយដែលអ្នកអាចផ្តោតអារម្មណ៍មកលើខ្លួនឯងនិងគ្មានការរំខាន។ បន្ទាប់មក សួរខ្លួនឯងនូវសំនួរខាងក្រោមនេះ៖
- តើអ្នកពេញចិត្តនូវអ្វីដែលអ្នកធ្វើប្រចាំថ្ងៃទេ?
- តើអ្នកមានកម្លាំងចិត្តឬទេ រាល់ពេលទៅធ្វើការរាល់ថ្ងៃនេះ?
- តើអ្នកនឹងធ្វើវាឬទេ ប្រសិនជាអ្នកមិនទទួលបានលុយសូម្បីតែមួយរៀល?
ប្រសិនជាចម្លើយភាគច្រើនរបស់អ្នកគឺវិជ្ជមាន សូមអបអរសាទរ នោះបញ្ជាក់ថាអ្នករកឃើញចំណង់ចំណូលពិតប្រាកដហើយ។
២) ស្វែងរក៖ អ្នកប្រហែលជាត្រូវការពេលមួយចំនួនដើម្បីស្វែងយល់ពីខ្លួនឯង។ ដូច្នេះហើយ ផ្តល់ពេលដល់ខ្លួនឯងសម្រាប់ការស្វែងរកនូវអ្វីដែលអ្នកឆ្ងល់និងស្រឡាញ់។ ក្រោយពីពេលអ្នករកឃើញ ដាក់កម្លាំងចិត្តទៅលើក្តីសុបិននោះចុះ។ ហេតុអ្វីបានជាការស្វែងរកអ្វីដែលអ្នកពេញចិត្តក្នុងជីវិតគឺជារឿងសំខាន់? អ្នកមិនដឹងថាមនុស្សដែលធ្វើអ្វីដែលខ្លួនឯងមិនពេញចិត្តមិនសប្បាយចិត្តប៉ុណ្ណា។
អ្នកក៏មិនចង់រង់ចាំដល់អ្នកអាយុ៨០ឆ្នាំ ទើបអ្នកស្តាយក្រោយ ដែលចំណាយពេលមួយជីវិតរបស់អ្នកទៅសម្រេចក្តីសុបិនអ្នកដទៃដែរមែនទេ? ម៉្យាងវិញទៀត ការធ្វើអ្វីដែលយើងមិនស្រឡាញ់ប្រៀបបានដូចជានាំទុក្ខដាក់ខ្លួនអ៊ីចឹង។
ប្រែសម្រួល៖អុឹង មុយយូ ប្រភព៖ www.lifehack.org
