គន្លឹះ៣យ៉ាងដែលជួយអ្នកជម្នះជំងឺមិនទុកចិត្តឬការសង្ស័យ (Trust issue)
មិនថាដៃគូបច្ចុប្បន្នធ្លាប់កុហកអ្នកឬដោយសារតែបទពិសោធន៍ពីរឿងអតីតកាលដែលបំផ្លាញទំនុកចិត្តអ្នកមកលើអ្នកដទៃនោះទេ អ្នកពិតជាត្រូវការពេលវេលាខ្លះដើម្បីទុកចិត្តលើអ្នកដទៃម្តងទៀត។ យើងទាំងអស់សុទ្ធតែមានកំហុសឬធ្វើអ្វីខុស ប៉ុន្តែប្រសិនជាទំនុកចិត្តត្រូវបានបាត់បង់ វាពិតជាពិបាកក្នុងការស្ដារវាឡើងមកវិញ។ ខាងក្រោមនេះជាគន្លឺះដែលអ្នកគួរធ្វើដើម្បីជម្នះនូវជំងឺមិនទុកចិត្តមួយនេះ៖
១) ស្ថិតនៅបច្ចុប្បន្នភាព៖ ប្រសិនជាដៃគូរបស់អ្នកធ្លាប់កុហកអ្នកកាលពីមុន អ្នកគួរតែបន្តដំណើរទៅមុខ ហើយបំភ្លេចចោលនូវរឿងអតីត។ វាពិតជាពិបាកក្នុងការបំភ្លេចនូវអ្វីដែលមនុស្សដែលយើងស្រឡាញ់ធ្លាប់ធ្វើមកលើយើង ប៉ុន្តែ អ្នកត្រូវតែមានកន្លែងសម្រាប់កសាងទំនុកចិត្តឡើងវិញ។
២) អភ័យទោស(forgive) ៖ ប្រសិនជាអ្នកនៅតែអនុញ្ញាតរឿងអតីតមកជ្រៀតចូលទំនាក់ទំនងស្នេហាបច្ចុប្បន្ន ការមិនទុកចិត្តឬការសង្ស័យ ( Turst issue) នៅតែកើតមានឡើងអីចឹង។ ដើម្បីបំភ្លេចចោលនូវរឿងអតីតនិងចាប់ផ្តើមជឿជាក់លើអ្នកដទៃ អ្នកត្រូវរៀនអភ័យទោសជាមុនសិន។
3) ខ្លាច៖ ដោយសារតែយើងខ្លាចអ្នកដទៃកុហកយើងម្តងទៀត ទើបការសង្ស័យនៅតែកើតមានឡើង។ យើងខ្លាចអ្វីដែលយើងសន្យាទៅកាន់មនុស្សដែលយើងស្រឡាញ់ហើយយើងធ្វើមិនបាន យើងនឹងធ្វើឲ្យគេឈឺចាប់។ យើងខ្លាចនេះ យើងខ្លាចនោះ។ ដើម្បីកសាងទំនុកចិត្តម្តងទៀត អ្នកត្រូវតែបំបាត់ចោលនូវភាពភ័យខ្លាច៕
ប្រែសម្រួល៖ អុឹង មុយយូ ប្រភព៖ www.cheaatsheet.com
